娛樂八掛大放送★

熱播劇《大太監》除了黎耀祥戲味甚濃，一班「太監兄弟」如蕭正楠、陳國邦、曹永廉其實亦好戲連場，在無綫台慶頒獎禮有望爭一日長短，蕭正楠坦言誰攞獎都會開心，他又提到為演繹折墮太監不但要自製瘌痢頭，又要執未熟的雞骨食，雖然犧牲大，但都覺得值得。

台慶劇《大太監》叫好叫座，不少劇中角色的最真一面逐漸暴露於觀眾眼前，日前已講到太監首領彭三順（陳國邦飾）開始與李連英埋堆，之後輪到李連英的徒弟「添壽」（蕭正楠飾）、安德海（曹永廉飾）陸續背叛他，而添壽亦會愈見獸性，殺掉與李連英青梅竹馬的倩蓉（胡定欣飾）之餘，更出賣其餘的太監兄弟，結果折墮收場，被打跛腳淪落街頭執雞骨吃。

靚仔蕭正楠在《大太監》要自製瘌痢頭，可算大犧牲。（資料圖片）

蕭正楠坦言「添壽」這角色甚有發揮：「拍嗰場戲為咗令造型更突出，自己都親自剃咗前額邊啲頭髮，搞到好似『瘌痢』咁，其實都幾核突o架！不過捱幾日啫，啲頭髮好快生番。」講到要執雞髀骨來吃，他表示：「拍之前個道具手足唔小心踩咗腳落隻雞髀度，初頭都冇諗住真係咬落去，不過拍到尾時導演唔嗌cut，咁我咪繼續食囉，點知隻雞髀唔係全熟，咬時都滲血，但事後知導演同監製講讚我做得好，所以都覺值得同開心。」

望收攞獎電話

說到該劇不少配角如陳國邦、曹永廉及他都甚有發揮，今年台慶獎項極可能「太監內訌」時，他笑言：「希望啦！不過我哋唔會互爭，係都同出面嗰啲爭，邊個兄弟攞都開心，不過因為之後我要去澳門拍《巨輪》，未知會否出席頒獎禮，希望到時公司打電話叫我返嚟，證明我有機會，咁自己出船飛都冇所謂！」

《大太監》15至20集必睇位

安德海心狠手辣

陳福（岳華）失勢被放逐，安德海（曹永廉）望奪其總管太監官職，打算拉攏其他太監，但徐爺（余子明）不就範，安德海即場刺死他，被李連英（黎耀祥）發現他變得太心狠手辣，最後安德海如願奪得官職。

慈禧對先帝失望

慈禧（米雪）發現先帝有道密旨，若其干預朝政會被廢除，於是向劉多生（鍾景輝）求證，劉多生承認確有此事，慈禧對先帝頓感失望哭着離開，李連英即開解她。

倩蓉重返宮中

倩蓉（胡定欣）險被丈夫賣掉，李連英不忍她在外受苦，引薦擁有一雙巧手的她為慈禧梳髮，慈禧試過倩蓉後大為讚賞，特准她重返宮中，宮女和太監得知好消息大為興奮，齊放煙花慶祝。