自嘲樣醜，胸細兼似人妖的張暖雅，在回應微博及整容事件，表示只係小事，並唔介意其他人點講，仲話：「乜我整過自己都唔知？」
搜尋氣
《向西》性女張暖雅我真係好醜
因為一套《一路向西》，人人話張暖雅夠晒醜，她卻因醜「成名」，她曾在活動中唔怕醜直言：「 𠵱家成日俾人話醜似人妖……我都想識個整容醫生……」
已經 28歲的她，原籍山東威海，來港只 5個月，簽約經理人做李蘊師妹，已拍了《喜愛夜蒲 2》和《一路向西》。
早前網上更有密集式的起底攻擊，醜樣、整容、隆胸配合舊照洗版式出招，但張暖雅冇有怕，原來她曾在內地遇人不淑遭騙財騙色，難得可以來港重新開始，她說：「將來發生乜事都唔怕！」靚女做唔成，一於賣醜！
堅稱冇加工
其實我真係好醜，面又長、胸又細，仲成個賓妹咁，但唔靚都可以生存，我相信將勤補拙。我唔介意俾人話醜，最緊要係可以喺香港發展，只要有戲拍就得。喺香港工作好愉快，冇人話我係大陸妹，杯葛同嫌棄自己，更加冇受辱。我以前從來冇好好過日子，被男人呃，遇到嘅都係衰人，我條命生得唔好冇得講。但我同自己講要重新開始，唔理將來發生咩事我都唔怕。再恐怖嘅人同事我都遇過， 𠵱家經歷先係最實在。
《一路向西》中張暖雅飾演張建聲女友 Margaret，片中為撩㷫男友搞嘢，不惜邊剝邊自摸。
訪問當日（ 19日），有唔少途人竟然認得張暖雅，個個都話「向西女呀！」圖中情侶仲唔介意上鏡同佢影合照添！
我之前喺內地做過 show girl，又做過 marketing，喺上海同我前男友搞酒吧生意，佢唔係有錢人，我識佢時已經生意失敗，爭落好多錢，我做佢擔保人，又賣車又同屋企人借錢，夾埋有成百萬。我好鍾意佢，但我哋拍拖 2年後，佢有第 2個女人，個女人係做夜總會媽媽生。佢冇還過錢畀我，仲同個女人講啲錢俾我攞晒去香港，我真係好嬲。
我全身冇一忽整過！好多人話我整容隆胸，但係如果整完都係咁，都幾失敗。嚟咗香港幾個月，我只係打過一次美白針，嗰次仲要係 sponsor，如果咁都算整，我就認啦！個胸大咗係因為我戴 push-up bra同 nu bra，加呢兩個就夠，就可以整到大！
張暖雅來港後，自稱被前男友的現任女友開微博數臭，多次話佢整容、隆胸及陪客等，更將她 15歲時的舊照放上網，不過睇落張暖雅以前同 𠵱家個樣真係差好遠喎！
留言列表
{{ article.title }}
