廠商出新手機，大多數會換換外形，等用家有多啲新鮮感；但話分兩頭說，即使個款冇變，亦唔代表產品冇改進，好似iPhone 3GS就係一個好例子。今次Motorola推出的Quench XT3後繼機XT5，兩部機外形似足孖生兄弟，不過內在機能就大升級，雖然話舊瓶新酒，但感覺煥然一新！要數XT5最大嘅變動，一定係由上一代嘅Android 1.6平台升級至2.1版，手機速度、反應都大幅提升，鏡頭亦由320萬像素升呢至500萬像素，但售價只是$2,580，絕對實用又抵玩。
Android手機愈嚟愈普及，而且各間大廠同時發力，做到高中低階都有大把選擇，擴闊用家群。不過先前大部分入門級Android手機都係採用Android 1.6平台，操作未算流暢。雖然今次Quench XT5都係走入門路線，不過就將平台升級到2.1版，加上512MB ROM、256MB RAM，即使只係內置咗600MHz處理器，操作都勁流暢，抵讚！另外，XT5支援「Pinch and Zoom」功能，簡單啲講就係多點觸控，配合3.2吋HVGA電容式屏幕，睇相換頁夠爽快！ 上一代Quench XT3鏡頭只得320萬像素，今時今日實在唔夠用。XT5就順應潮流，將鏡頭像素大幅提升至500萬，足夠用嚟沖曬8R靚相，可惜Motorola未有為拍攝介面作出優化，只有白平衡、曝光補償等簡單的拍攝功能，好在機身設有拍攝鍵，方便用家一按即影。小記於室內試拍，發現對焦準確，不過雜訊頗多，幸好XT5備有LED閃燈，即使在昏暗環境下仍可以影餐飽。 Quench XT5外形勝在夠薄，只有12.4mm，女仔攞上手都唔覺太大部，但係黑黑實實女生又點會鍾意，所以今次Motorola就好有心思咁搵黎adidas合作，推出兩款mi adidas機殼，隨機附送粉紅同白色機背，換咗上去成部機即刻Lady晒！不過男士們亦都唔使失望，因為原裝的黑色機背亦有所改良，加入更多坑紋防跣手，手感不俗。另外，XT5保留XT3嘅Trackball，就算男仔手指頭較粗都可以控制自如，啱晒唔鍾意在屏幕左Drag右Drag嘅朋友。 制 式︰ GSM四頻、WCDMA 850/1900/2100 操作平台︰ Android 2.1 處 理 器： 600MHz 屏 幕︰ 3.2吋電容式屏幕，480×320解像度 鏡 頭︰ 500萬像素連LED閃光燈 記 憶 體︰ 512MB ROM、256 MB RAM、 支援microSD記憶卡（最高32GB） 對外連接︰ 藍芽2.1、Wi-Fi 802.11b/g、7.2Mbps HSDPA 通話時間︰ 390分鐘 備用時間︰ 581小時 體 積︰ 56.8×116×12.4mm 重 量︰ 117g 查詢︰2506 3888
升級2.1 操作流暢
支援最高32GB microSD記憶卡，而且可作熱插拔，方便！
機底備有喇叭，聲量夠大！
驟眼睇以為係Quench XT3，不過XT3用炭灰色機面，而XT5則改用黑色為主色，十足十孖生兄弟。
5MP鏡頭 影相夠照
備有500萬像素鏡頭加LED閃光燈，而且機背加入不少坑紋以防跣手。
隨機附送兩款mi adidas機背，畀你幫部Quench XT5換衫！
支援最多7個頁面，夠晒位擺Widgets。
mi adidas 換殼冧女生
試播YouTube HD片，畫面唔窒，而且畫質尚算不俗！
提示列提供了多項資訊，包括電量、日期等等，簡單清晰。
內置多種輸入法，包括拼音、筆畫、手寫，甚至法語、德語等。小記試用手寫，認字夠準，而且筆迹唔斷，不過就唔支援香港字。
機檔案
$2,580
留言列表
{{ article.title }}
