Juniel無論外形同歌路都標榜簡單同清新。佢話加入樂壇係希望可以用愛唱出唔同情緒同感覺去感動人。思想同歌曲一樣咁 pure。
韓面
IU勁敵 Juniel好 Pure好 True
近年韓國 hit得起的 K-pop icon，好似少女時代、 KARA等都係大堆頭女團。玩 solo爆出只有 IU等小貓三四隻，不過凡事都有例外。
啱啱滿 20歲的 Juniel（讀音： Jun尼奧），雖然唔夠 IU靚女，更冇長腿，但絕冇添加。最重要有把天籟之聲，把聲高得嚟超 sweet，唱假音又超準，仲識揸住結他自彈自唱兼作曲，難得 Juniel既 pure又 true，超受韓國大學生歡迎，年尾肯定橫掃新人獎。
IU（左）同 Juniel（右）同樣係純情妹，同樣揸結他嘅唱作歌手，經常被人攞嚟做比較，其實私底下 2人 friend到死，據知 Juniel曾經教過 IU彈結他。
自小已視 BoA為偶像，更視她為奮鬥目標的 Juniel，亦跟偶像一樣到過日本發展。前年她於日本留學時，參加當地的歌唱比賽《彩虹色 Supernova》得冠軍後，上年推出首張日文 EP《 Ready Go！》，可惜因 Juniel外貌非偶像派，又唔似少時咁 sell長腿，加上自彈自唱的唱作歌手，日本大把，因此削弱競爭力，所以在當地的反應麻麻。
鄭容和幫拖
Juniel今年 6月以 solo歌手身份出道，好彩得同門靚仔師兄鄭容和幫忙，同佢合唱一首〈傻瓜〉，帶 hit咗首歌同 Juniel。早排 2人經常孖住上《人氣歌謠》節目谷宣傳。
無添加
15歲嘅 Juniel雖然唔係靚女，但都算眉清目秀，反而 𠵱家面又肥咗，而且眼又細埋，個樣似㗎妹多過韓妹，應該冇整過。
15歲
20歲
《紳士》做茄
早排 Juniel亦有份參與由張東健主演熱爆韓劇《紳士的品格》，劇中 Juniel只飾演一名街頭賣藝歌手做番自己，同主角完全冇對手戲。
〈傻瓜〉大 hit
感激 BoA
日本街頭賣藝
返韓國後， Juniel即成為新人王，但佢 3年前曾到日本發展，出過 2張 EP及 2張細碟都唔多掂。而 Juniel留學日本時，不時揸住結他去新宿街頭賣藝賺外快。
SM新女鬥過
今年 Juniel最大勁敵，一定係 24歲嘅 solo女歌手 J-Min。同樣擅長揸結他唱作，同樣去過日本發展後回流韓國，已加盟韓國夢工場 SM Entertainment做少時師妹嘅 J-Min，上月剛推出處女韓文細碟《 Stand Up》，此曲是偶像劇《花樣少男少女》片尾曲，現正在韓國電視台密密播，年尾頒獎禮， J-Min肯定同 Juniel鬥到甩肺。
J-Min只係 SM新人，上年尾 SM影晒冷海報， J-Min張相只佔一小角，大相位梗係留番畀一姐 BoA同一哥東方神起啦！
SM新女 J-Min，去過日本做 Avex旗下歌手，但一直彈唔起。同 Juniel要回流韓國先有機會發圍。
留言列表
{{ article.title }}
