MastaMic上週兩次自發到政總門外支持學生，上台唱歌和發言：「如果將政府比喻為一個人，人民就係佢 哋血液，家政府流失咁多血，死得啦！」獲得全場掌聲。
搜尋氣
MastaMic 精英定紅衞兵？
26歲的 MastaMic是典型網絡 rapper，作歌唱爆政府衰嘢係閒事， 2010年在立法會門外拍 MV大唱〈 Death Of Government〉，熱血形象入晒骨。上週三（ 5日）上載了新歌〈學民教育〉反國民教育，一句「你培育緊社會精英定紅衞兵」，歌詞一針見血。
詞作到肉又獨到，只因 MastaMic曾在內地讀大學，內地教育令他心寒，因此更不願見到香港學生被染紅。「喺佢哋腦袋最空嘅時候擺啲咁嘅嘢入去，一定要反對。」
〈學民教育〉呢隻歌係講自己對反洗腦最直接 嘅感受，我留意 咗反國民教育件事一段日子，無論結果係點，起碼見到好多年青人係唔同 咗。
我 10年前去咗武漢大學讀書，總共讀咗 3年，我去時已經十六、七歲，某 啲思想已成熟，國內 嘅教育係將黨最好 嘅 嘢話畀你知，佢哋細細個已經接受共產黨嘅思想理論，所以內地人同香港人有分歧，就係因為呢種教育導致；而且香港係講緊小一至初中要讀國民教育嘛， 喺佢 哋腦袋最空 嘅時候擺 啲咁嘅 嘢入去，一定要反對。
通常小朋友係被動 嘅，但學民思潮成立，係因為佢 哋開始相信自己有能力做到某 啲 嘢，我覺得佢 哋肯去做已經係最重要。其實我要同 黄之鋒 say sorry，因為佢之前 add我 fb冇理到佢，我以為佢只係一般小朋友！
我自細反叛、唔守規矩，好多家庭要小朋友讀名牌小學、中學、大學、到邊間公司一條龍咁，係因為俾社會 嘅價值觀規限 咗，我認為應有多 啲選擇，而今次反國教令大家明白唔係單單大人可以話晒事，小朋友都可以搵到自己 嘅路。
〈學民教育〉歌詞
學校係強制洗腦集中營
學生只要服從唔需要聰明
學生見到國旗就要感到光榮
你培育緊社會精英定紅衞兵
幾時教育制度係強制洗腦
一班妖魔當道硬銷愛國情操
我哋醒覺聲討
我聽到你大大聲愛國稱號
係用嚟掩飾迫人愛黨嘅企圖
同學們唔好出賣自己個腦
你哋係香港未來瑰寶
拒絕洗腦拒絕思想被施暴
為應該擁有獨立自主思考自豪
有高官為仕途試圖洗腦自保
媚共搖尾示好
我睇到你醜惡意圖
愛國嘅義務
留番畀你做
國民教育噩耗
明顯係 CY嘅政治任務
吳克儉胡紅玉
你哋有乜居心？
唔理你分三年定三十年推行
邊個推行國民教育邊個係罪人
你為香港製造國際醜聞
我 哋犧牲健康抗爭
要我哋接受國民教育科好簡單
當六四被平反
劉嘵波放監
艾未未唔再係政治犯
官商唔再狼狽為奸
國民教育科我第一個撐
我身穿黑衫戴黑絲帶
反對和諧
反對盲目政治崇拜
國民身份唔使用洗腦去了解
你要我做乖乖
大大聲嗌個黨最偉大
令人費解嘅愛國情懷
世界咁大今日我大開眼界
原來愛國係靠吹噓自大
國力越強大越需要虛偽擁戴
我係中國人
我知我國民身份
如果國民教育科學生考唔到滿分
唔通佢唔係中國人
狼振英嘅狼子野心
一上任赤化香港係佢嘅用心
你講你要學生愛國定愛黨？
真實意圖你敢唔敢講
如果學生答佢係愛國唔愛黨
咁你答我老師仲會唔會畀佢講
我唔上呢一課
我罷上呢一課
你迫我上國民教育科
你迫唔到我
凌晨上載
MastaMic上星期三凌晨 5點上載影片到 YouTube， rap了成首〈學民教育〉，他說：「花 咗個幾鐘頭寫好呢隻歌，我唔怕俾人恐嚇，只係諗到咩就寫出 嚟。」
迅速河蟹
他在內地網站（微博、土豆）多次上載同樣講反洗腦的歌曲〈鶴聞較肉〉被河蟹，索性創作更直接的〈學民教育〉放到其他網站免費畀人下載。 
留言列表
{{ article.title }}
