懵舉指公
杏兒選舉日在微博發表同大家姐及姐夫合照，豎起拇指大讚民建聯九龍西蔣麗芸名單中排第三的鄭泳舜。網上圖片
好心壞事
撐民建聯瀨嘢 胡杏兒：我唔知乜嘢政黨
週日（ 9日）立法會投票日，香港錄得過五成即是 183萬選民投票，破晒開埠紀錄。大家咁踴躍，無非國民教育科假撤回激起民怨，港人誓要一人一票趕走保皇黨。
難得港人史無前例咁齊心，竟然有人唱反調，投票當日，視后胡杏兒竟公開為身為民建聯 嘅九龍西候選人兼姐夫鄭泳舜出街站台拉票，當然被網民鬧爆。無 綫一早話 咗今年視后再玩普選，得罪大班泛民支持者，杏兒預定告急啦！
杏兒憑兩輯《怒火街頭》紅爆，她亦專登揀在《怒》劇的地頭深水埗，為姐夫落區拉票，以為自己計啱數，可惜仍被網民噓爆。網上圖片
全城黑衣反國教、晚晚十萬大軍佔政總，全城民憤直至 9月 9日投票日被推至最高點，大家化憤怒為力量投票趕走保皇建制派。微博、面書所有社交網絡被支持泛民趕走保皇黨 嘅呼籲洗版之際，週日（ 9日）中午趕拍緊《衝上雲霄 2》 嘅胡杏兒卻玩另類，於百忙中抽空去深水 埗落區拉票，更上載同九龍西選區候選人鄭泳舜合照至微博。
盲撐富姐夫
網民喪插
反洗腦運動令更多市民唾棄保皇黨，如今胡杏兒撐姐夫，令網友都唾棄埋佢。
其實香港係自由社會，投票拉票亦係個人選擇，不過最慘政府推行國民教育，人人反對惟獨民建聯同部分保皇黨死撐。
反國教港人把對國教科嘅厭惡情緒投射至政府及保皇黨身上，有人公然撐民建聯，當然亦被厭惡埋一份。原來杏兒撐嘅鄭泳舜係大家姐丈夫，新西蘭回流港人，家底不錯，父親鄭錦鐘係保良局副主席，更創辦上市公司偉仕控股，師傅係曾鈺成，鄭泳舜 07年開始在深水埗做區議員。
無知婦孺
與姐夫合照迅速被轉發甚至轉載至面書，被網民圍剿後，杏兒知衰刪除微博。
翌日出席活動，即時為撐保皇黨行為解話：「真係冇諗過咁複雜，我份人好簡單，係諗住幫屋企人之嘛！我淨係知姐夫呢幾年 喺深水 埗區做 咗好多 嘢、幫 咗好多人，我唔知咩嘢政黨，亦唔想掀起罵戰，淨係撐屋企人咁簡單！（網民鬧話黃宗澤飛 咗你飛得好喎！）呢 啲 嘢我唔評論啦，我係公眾人物預 咗，屋企人揀 咗行呢條路都一定會撐！」你貴為視后企出嚟，成件事都已經唔簡單啦！
10/9買三點式話之你
撐民建聯激起民憤，無損杏兒血拼心情，週一出席活動後，即去搜購三點式泳衣準備新劇海南島外景。
浸過鹹水
杏兒細細個就被胡爸爸送去愛爾蘭，小學同中學都不在香港接受教育，雖然浸過吓鹹水，但似乎吸收唔到民主社會嘅養分。《蘋果日報》圖片
冇腦回應
激起民憤 嘅杏兒週一（ 10日）出席時代廣場活動時解話：「我唔知咩嘢政黨，亦唔想有罵戰，我好簡單，淨係支持屋企人。」
長毛：中國人似佢好難進步
《蘋果日報》圖片
杏兒上週五話過政府應該尊重市民反對聲音，有份反國教，但轉頭又走去支持保皇黨姐夫，於新界東高票勝出的長毛梁國雄就話：「中國人有陣時就係幫親不幫理，佢要幫姐夫都冇計，係佢選擇，不過如果個個好似佢咁，呢個社會真係好難進步。」
失戀變 V煞
同男友黃宗澤分手半年，杏兒搬屋又暴瘦，連個樣都變埋，下巴離奇拉長變尖，驚現 V煞面。當事人例牌否認：「可能我呢排瘦 咗，又要去海南島拍外景，減 咗肥 啩，我就梗係絕對冇整容啦！」杏兒近日忙拍《衝上雲霄 2》，雖然唔多走得開，但整容達人 DonDon話好易搞：「要整下巴，打透明質酸就得， 1萬蚊度就可以 last三至六個月。」
’12㓤手
’09圓面
黃貫中犯法影選票
留言列表
{{ article.title }}
