1/9 23:00
夜媽媽做完嘢，連詩雅自己拖喼返屋企，之後冇再出過門口半步。擁有 42吋長腿嘅佢，連日都着短裙騷腿。
封面
破產老豆拋妻棄女 連詩雅慘住劏房大廈
《喜愛夜蒲 2》上畫 18日（截至 9月 9日）票房過千萬，比第一集更收得，帶挈兩集都有份的連詩雅（ Shiga）變夜蒲 icon，龍友粉絲數目直線上升。
24歲女已經有代表作，但原來風光背後，竟然同草根市民一樣，蝸居於月租幾千的 劏房大廈，居住環境品流複雜，偷衫賊橫行。據知連詩雅父親早年生意失敗避走內地，她自此與母親相依為命， 17歲便要身兼三職 孭起頭家，更由九龍塘豪宅搬到現居的灣仔幾百呎舊樓。
屈住 劏房樓，難怪連詩雅週一向本刊表示：「一定要努力搵錢養阿媽！」
出道 2年， 24歲連詩雅由純情玉女變豪放 wet妹，先被指比餅女楊愛瑾更早介入永安太子郭永淳的婚姻，再被傳同師兄周柏豪暗交，今年 5月更發生與蒲場殺手 rapper曲赤的陳年舌戰慾照突然流出，焗認爛蒲爛玩的連詩雅差少少一鋪清袋。
連詩雅喺《喜愛夜蒲 2》中，與關楚耀濕身肉搏，又喺電車激咀。
7/9 20:00慳家外賣
過海錄音前，連詩雅行路去時代廣場買飯盒醫肚，左揀右揀下，最終只係去 food court買咗幾件炸物頂肚， 40蚊搞掂。
絕跡夜場
見過鬼怕黑，清純形象盡毀的連詩雅近月積極洗底，雖然新戲《喜愛夜蒲 2》中依然有大量肉搏場面，但私底下已戒掉夜蒲，絕跡夜場。
上週一連幾日，本刊發現連詩雅除了出席活動及為新碟錄音外，甚少外出。前週六晚（ 1日），連詩雅工作完畢後並冇約朋友食飯落 club，反而在經理人陪同下極速返歸。上週五（ 7日）晚上 8點，連詩雅獨自行到寓所附近的 city'super買飯盒，然後跳上過海的士往錄音室，至凌晨仍未收工，隨後幾日亦是在錄音室度過，生活非常規律。
去完《喜 2》慶功宴，連詩雅自己返回位於灣仔駱克道寓所，連詩雅出入大廈時刻意遮面，盡量避免被人知道居於劏房大廈。
5/9 00:00
掩面入閘
桑拿隔籬
位於駱克道的偉德大廈，樓齡過 40年，樓高 13層。附近除了有大量建材店，更有桑拿浴場，品流複雜。
底褲亂掛偷衫賊橫行
偉德大廈 7樓有劏房分租，有住客將底衫褲掛出走廊，又有人貼告示叫人唔好偷衫（右圖），可見大廈的確乜人都有，環境好極有限。
劏房 1開 5
大屋搬細屋
收心養性專注工作，唔只為了挽救形象，仲要努力賺錢養家。家底原本唔錯的連詩雅，父親在港做生意，母親在加拿大領事館做翻譯，自細住九龍塘豪宅，就讀名牌學府英皇佐治五世學校。但 16歲時父母離婚，加上父親生意失敗傳破產，要北上從頭做起，跟媽媽生活的連詩雅被迫大屋搬細屋，冇得再做富二代。
冇爸爸照顧，連詩雅自爆十幾歲就要靠自己。「我 17、 8歲已經濟獨立，入行後出盡力好急躁咁去證明自己、增值自己，都係為 咗媽咪。媽咪年紀好大至生我，我今年 24歲，佢已經 60幾，我細個已經浪費 咗好多時間，我未試過好似 𠵱家咁想做好自己！」
家道中落
父親做生意，讀國際學校的連詩雅，本來唔使憂柴憂米，可惜遇着阿爸生意失敗，父母又婚姻破裂，無端端變單親少女，更要搬到月租 6千的鵝頸橋劏房大廈，有錢女變窮歌手。
連詩雅與母親感情要好，首個 MV發布會更現身撐愛女。
中學就讀名校英皇佐治五世學校，又住九龍塘豪宅，可惜家道中落，被迫搬去灣仔舊樓。《壹週刊》圖片
「搵錢養阿媽」
淪落到住 劏房大廈，又要接拍《喜愛夜蒲》系列做肉女，與當初出道時的玉女形象有天淵之別。
據知連詩雅的唱片公司華納，最初有意將連詩雅包裝成「薛凱琪第二」。「 Shiga同 Fiona背景好相似，一樣係讀國際學校，屋企又係做生意，華納雖然知道佢個底唔多好，但都希望臭屎密 冚，用『方大同師妹』個名幫佢洗底，佢一出道嗰首〈灰伯爵的忌廉遐想〉，都刻意將佢搞到成個純情女神咁款 㗎！記招仲叫埋佢媽咪嚟撐場，希望佢營造一個乖乖女形象。最衰之後同曲赤單嘢搞到一鑊泡。不過 Shiga反而鬆咗一口氣，唔使再扮玉女，又唔使扮有個幸福家庭。」知情人士透露。
高登女神慘住 劏房大廈，連詩雅週一（ 10日）死撐住得好舒服，又封口唔講家庭狀況，答幾句就極速跳上的士走人。「呢 啲（父親破產）梗係唔答啦，我要保護屋企人！爸爸唔喺香港，父母喺我好細個已經分開 咗！（你住呢度環境好複雜？）唔係吖，都幾好 㗎！（同媽咪感情點？）好好，我一定要努力搵錢養阿媽！」
早熟的連詩雅， 15歲已着三點式為雜誌影水着，當時連眉粗面扁，與現時精緻女神樣分別甚大。
今年 5月流出連詩雅 16歲時同前度曲赤嘅脷叠脷慾照，惟有喊住開記招博同情。
輸 cup數
搏到盡的連詩雅，接連喺《喜愛夜蒲》及《喜 2》有性感鏡頭，上週宣傳時又繼續晒住腿派海報，可惜輸畀露得更狠更盡的《向西》女張暖雅（右一）。
經典白底
連詩雅喺《喜愛夜蒲》的 MV中，着住白色花邊底褲瞓床，引死仔，主題曲〈 I’m Still Loving You〉更 hit爆，點擊率高達 597萬。
10/9 家事封口
我要保護屋企人！真實對白
連詩雅週一聽到記者問佢住劏房大廈一事，嚇到答咗幾句即刻伸手截的士走人。
金枝變爛葉
除連詩雅之外，其實圈中唔少女星，好似原本係富家女嘅吳雨霏、趙碩之、李詩韻及薛凱琪，亦因為屋企生意失敗，或者父母離異，由原本金枝玉葉變成爛葉。
吳雨霏被迫輟學
《壹週刊》圖片
•吳雨霏父親吳子綸憑製衣起家， 97年金融風暴陷財困， 98年 10月破產，由原本 2,000呎中半山竹林苑大宅，搬到面積細一半嘅比華利山居住。而就讀加拿大國際學校嘅 Kary，被迫輟學。
薛凱琪父執 6間公司
•出身小康的薛凱琪，其父薛偉豐，高峰時曾坐擁 6間公司，但因財政問題遭人追債 7次，最後一間公司終於喺 08年倒閉。近年 Fiona要孭起成頭家，供 3層樓又要養起患病薛父。
李詩韻父欠 1.2億
• 03年最上鏡小姐李詩韻本身屋企有米，曾與家人同住九肚山寶松苑，可惜 05年李父李光輝生意失敗，欠下 1.2億巨債，過百債主上門追債，公司最終倒閉清盤，千金變窮花旦。
苟芸慧父賣樓套現
•父親做生意、 10歲移民加拿大多倫多， 15歲已有附屬咭任碌，直至大學二年級，父親生意失敗兼患癌，要變賣物業，只留低 1萬加幣（約 8萬港幣）畀苟芸慧三姊弟，便返回台灣再搞生意。 
留言列表
{{ article.title }}
