苟芸慧 被指 與 謝天華 車震 激嬲父母 苟芸慧 喊得凄凉 
《今日我至慘》
近期人氣急升嘅苟姑娘緋聞一浪接一浪，前晚講起拍劇場面被當車震事件，委屈到當堂大滴眼淚流出嚟，慘成咁，心痛死班高登仔。
無綫上位花旦苟芸慧近日緋聞纏身，緋聞男友越傳越多，近日有報道指她與已婚的謝天華玩車震，前晚苟芸慧出席《飛虎》慶功宴，提到車震時即委屈得熱淚盈眶，最慘連雙親都信以為真，以為愛女亂搞男女關係。
現年29歲的苟芸慧被無綫力捧，一劇接一劇，其緋聞也接踵而來，先後傳出嗲暈視帝鄭嘉穎、小生陳豪、曹永廉、蕭正楠和梁烈唯等，地位直逼「姣佘」佘詩曼。日前有報道指她與已婚的謝天華車震，雙親信以為真，但事實上兩人只是在拍攝新劇《法網狙擊》。
見過鬼怕黑，苟芸慧見梁烈唯埋身，即彈開九丈遠。 
苟芸慧拍劇要在車廂引誘天華，卻惹起緋聞。 資料圖片 「佢哋開始唔信我」
緋聞成尺厚的苟芸慧前晚與《飛虎》演員到電視城出席行政主席梁乃鵬宴請的慶功宴，當提到車震兩字時，苟芸慧即忍不住委屈落淚，更越說越激動，狂滴眼淚說：「真係好委屈，多謝大家關心，明白為咗工作先咁寫，人有底線，唔好傷害屋企人，真係好無辜，自己為咗工作，搞到家人好唔開心，我都覺得好辛苦，我唔係在乎點睇我，我接受唔到父母唔開心。」
苟芸慧直言為了今次事件要向父母解釋，身在加拿大的父母更打長途電話質問女兒發生甚麼事，她無奈說：「擔心我好正常，一單接一單負面新聞，佢哋唔明白呢個圈，咁多單嘢，佢哋開始唔信我，所以我覺得好傷心，我冇亂搞男女關係，不過家呢個 level唔係我走唔做就可以解決，反而要勇敢面對呢個話題，畀父母返嚟住，等佢哋明白我工作性質。」她表示因仍要拍劇，未能請假，但她強調自己專業，會將情緒和工作分開。
向梁烈唯派檸檬
《飛》劇中飾演苟芸慧男友的梁烈唯，在監製要求下遞水和紙巾，但為免再傳緋聞，苟芸慧即大派檸檬說：「你過嚟好麻煩，走吧。我以前鬼妹仔性格，家公眾人物要避忌，希望大家體諒，拍劇冇得避，當日車震係劇情需要，監製有講要身體接觸，話我要引誘對方，其實係整蠱天華，都有其他演員，我都唔知乜嘢係車震，係媽咪鬧我先知車震係乜，總之拍時都冇車震。」
同場的宣萱被問到《飛》劇是否開續集，她略帶微言說：「唔知，之前有提過，但聽聞嚟緊半年已經排好晒劇集，如果係，相信係半年後嘅事，我覺得劇集咁深入民心要食住條水，不過做演員好被動，初頭以為得十幾點收視，但竟然有黃金時段收視，係我離開 TVB前一個好滿意嘅作品，對自己係個好好交代。」
採訪：楊潔雯 攝影：陳順禎
被屈「車震」過底線苟芸慧「喊」冤
新一代女神苟芸慧（苟姑娘）繼與視帝鄭嘉穎傳撻着後，再傳與謝天華在拍劇期間「車震」，苟姑娘前晚在慶功宴上強烈否認事件，更含屈爆喊直斥報道超越底線，連阿媽都開始不信任她！
華姐冠軍苟芸慧備受無綫力捧，今年連接六套劇，由閒角變身二線女主角，惟自她有份演出的《飛虎》和《怒火街頭2》播出後，開始爆出她向劇中男藝員獻媚，有傳視帝鄭嘉穎和蕭正楠都成裙下之臣！日前苟姑娘與謝天華合作新劇時，又傳出兩人上演一幕「車震」戲相當投入，種種負面消息令她壓力爆煲！前晚苟姑娘與馬國明、宣萱、王君馨及黃智雯等出席劇集《飛虎》慶功宴時，沒精打采兼眼腫腫，受訪時一聽到「車震」二字，即時爆喊，連在《飛》劇飾演其男友的梁烈唯上前安慰，她都請對方食檸檬，似乎深怕再惹緋聞！
緋聞不絕 我好辛苦
對於被指勾引人夫天華，苟姑娘一臉委屈兼激動流淚地說：「今朝媽咪喺加拿大打嚟問我，我都唔知咩事，冇睇本書，覺得好委屈！」她直言明白傳媒工作需要，但報道已超越其底線，她再度邊講邊喊：「令到我屋企人唔開心，我都好辛苦！我唔在乎人哋點睇我！（被屋企人鬧？）要解釋囉！令佢哋擔心，因為近期負面新聞一單接一單，佢哋擔心都好自然。（誤解咗你？）係呀！我覺得爸爸媽媽唔明我工作性質，開始唔信任我喇！我都唔知咩叫『車震』，係媽咪同我講先知。」
男人勿近 趕走唯唯
為了令父母安心，苟姑娘表示會盡快安排家人來港居住，讓他們明白其工作。訪問期間，梁烈唯主動遞上暖水安慰她，並說：「萬大事有我！」然而她如驚弓之鳥般請唯唯食檸檬：「走啦！你過嚟我會好麻煩！」
苟姑娘直言不會因傳聞而放棄事業，但會與男對手保持距離，她說：「有少少驚，以前喺外國冇所謂，但做呢行就會避忌。（遲啲拍劇都好多男仔？）係呀！自己做好自己，都控制唔到！」
第一手消息請下載on.cc東方互動iPhone/iPad/Android Apps
專案組
苟芸慧被屈「車震」，難怪滴出大大滴眼淚！
被圍訪的苟芸慧喊到眼腫腫，接過紙巾抹眼淚。
看到苟芸慧哭成淚人，梁烈唯斟水氹番，並說：「萬大事有我！」卻被伊人耍手拒絕！
梁烈唯
宣萱與無綫高層梁家樹（左）及無綫行政主席梁乃鵬舉杯慶祝。
馬國明為劇集慶功。
苟芸慧失父母信任 崩潰落淚
苟芸慧（苟姑娘）前晚出席電視劇《飛虎》的宴會時，因接連受到緋聞纏身而明顯憔悴，被問到近日有報道指她「車震」謝天華一事時，她即梨花帶雨哭訴家人不理解自己，覺得很委屈！
無綫行政主席梁乃鵬前晚設宴款待電視劇《飛虎》台前幕後一眾工作人員，遭緋聞纏身的苟姑娘與劇中演員宣萱、馬德鐘、梁烈唯、羅仲謙、王浩信、陳自瑤、黃智雯等齊齊出席。苟姑娘到場時已一臉倦容兼眼腫腫，當記者問到她與謝天華早前拍攝新劇時被形容為「車震」事件，她即哭成淚人，並說：「今朝媽咪都喺加拿大打畀我，我本身唔知咩係『車震』，佢講我先知，我覺得好委屈！（唔開心？）我覺得人有底線，唔想令屋企人唔開心！爸爸媽咪開始唔信任我，啲負面新聞一單接一單，擔心都好自然，加上佢哋唔了解我嘅工作性質，希望可以盡快安排佢哋嚟香港住，等佢哋了解多啲！」
遇男同事變驚弓之鳥
苟姑娘出道至今不斷被指冧仔功力強勁，緋聞男包括鄭嘉穎、梁烈唯、蕭正楠、曹永廉等，問及苟姑娘現在會否驚接觸到男同事，她表示：「有少少驚！有時係工作需要，我都控制唔到！（放棄做藝人？）我份人唔易放棄！同埋唔係我想放棄就可以解決到，應該去面對問題。」
謝天華與苟姑娘最近傳緋聞，令伊人感困擾。（資料圖片）
苟姑娘推開唯唯遞上的「壓驚茶」，以免又傳緋聞。
眼見苟姑娘哭成淚人，其緋聞男友梁烈唯即遞上紙巾，更貼心斟茶氹佳人說：「唔好喊！萬大事有我！」但苟姑娘不領情之餘，更欲跟梁烈唯保持距離謂：「走啦！你過嚟我會好麻煩！」
文：影視組
留言列表
{{ article.title }}
