全職湊女，余思敏就算出街同朋友 high tea，都會帶埋囡囡喺身邊。
同你吟一吟
鄭中基有排捱
自從舊年七月做 咗人老豆，鄭中基未停過拍戲，繼《低俗喜劇》後，家陣又 响橫店拍《四大名捕二》，密密做狂搵奶粉錢，不過就捱得多傷氣力，尤其動作鏡頭多，成日吊威吔，鄭中基終於吊傷條頸，要返香港睇醫生戴頸箍。
太子基捱騾仔，老婆余思敏唔使再做主播，得閒湊女出吓 function過住闊太生活，耐不耐仲會約埋班有線主播飲 tea聚一聚。
早兩個禮拜，余思敏約 咗舊同事 衞志豪、朱真真等一齊喺 Elements high tea。囡囡 Emma似乎同 衞 uncle好熟絡，任抱唔嬲，跟住叔叔四圍行，而同樣 响舊年生 咗個女 嘅朱真真，就留 响 coffee shop同余思敏一齊傾湊女經。大家都做 咗媽咪，不過余思敏有菲傭幫湊 B，又有司機管接送，朱真真就乜都自己 嚟。
要 keep住妻女安逸生活，所以呢，鄭中基你 唞夠好開工 嘞！
拍戲整傷條頸可大可小，鄭中基即刻請假返香港睇醫生，但 唞咗幾日就要飛返橫店。
成班女人講湊女經，唔 啱 channel嘅 衞志豪抱住 Emma四圍行。
衞 uncle是日做埋大會攝影，幫余思敏同朱真真影相留念。
有菲傭幫手湊女，又有七人車加司機接送，難怪鄭中基要搏命搵錢。
全站熱搜
留言列表
{{ article.title }}
