娛樂八掛大放送★

唔想破產 暈倒入院梅媽喊爆：冇人幫到我

樂壇天后梅艷芳在03年尾患子宮癌逝世後，阿梅在遺囑訂明，梅媽（覃美金）可領取每月7萬（後增至12萬）生活費到百年歸老，但佢未能獲分配阿梅達一億港元遺產，當中包括阿梅物業，對此梅媽和阿梅哥哥梅啟明一直循法律途徑要求法庭判處遺囑無效。現年88歲梅媽多年來為爭回阿梅遺產，欠下230萬律師費，今年4月被頒令破產。

堅持轉私院

週二（12日），梅媽在高院向法官上訴時哭訴，指破產管理署對佢唔公平，更突然心臟病發暈倒，要法庭書記即時叫救護車送佢入瑪麗醫院，其後梅啟明趕到醫院探望。聲稱話冇晒錢梅媽，卻要堅持轉到銅鑼灣聖保祿醫院，住單人私家病房。

梅媽話自己有心臟病，但對住好姨呻冇錢時又好有中氣，就算好姨叫佢好好休息飲啖水，佢依然好有中氣係咁話自己好慘。佢講唔夠兩就狂喊，「個律師收我百幾萬，仲要我俾多幾百萬，搞成我咁樣，仲要我破產，嗚嗚！」好姨見梅媽喊得咁悽涼都唔忍心，點知佢未呻完又繼續講阿梅遺產，佢邊抹眼淚邊說：「法官又唔幫我……點解劉培基可以分兩層樓，冇人幫到我，個個都想呃阿梅錢！」

梅啟明見阿媽哭成淚人，表現得好傷心。佢自言：「我個仔就準備讀K1，搵緊學校，自從有個小朋友之後，知道為人父母感受。」如果係咁，佢真係要勸梅媽退一步海闊天空，唔好再爭產啦！