大熱big 3
獲大會最高評分的「Top 3佳麗」，曾明俐（右）已率先獲直入決賽資格，免除淘汰危機，舅公係張堅庭的張名雅（左）和混血大熱李渼琦亦於週一（18日）直入決賽，反而「湯鎮業姪女」湯洛雯，仲未穩奪出線資格，唔驚有鬼。
八國聯軍 近年港姐選美變豬扒混戰，為振港姐聲勢，無綫今年搞噱頭，玩真人騷淘汰制，未到決賽已out足幾輪，成班佳麗自然人心惶惶。
為求自保，眾佳麗當然要各出奇謀，咪以為淨係國產妹先識手段，原來一班海外佳麗亦超團結。一眾港姐由上週二（12日）出發往倫敦拍攝外景，據知一眾海外佳麗原來夾埋對付一眾熱門目標，結果有長頸薛凱琪之稱的陳華鑫率先玩完，下個目標分分鐘到大熱湯洛雯。
港女犧牲品
第3輪淘汰突改由佳麗互選，最終陳華鑫（左）及慾照佳麗鍾麗冇得留低，成為竹昇黨的首批犧牲品。
竹昇黨圍攻
有傳竹昇黨以陀地黄心穎（中）為首，拉攏其他海外港姐，如曾明俐（左）及李渼琦（小圖）等，一齊加入玩排擠聯盟，最叻係首領黃心穎out人時交足戲喊到最勁，轉頭即刻回復正常笑笑口。
數臭同房湯洛雯
週一（18日）來自澳洲李渼琦再發功，指同房湯洛雯竟將衣服四處亂掉，又整亂她的衣服，雖然湯洛雯已向她道歉，但已直入決賽的李渼琦直說不會再跟她同房。
泳衣見真章
今屆港姐質素提升番，不過換上泳衣環節就冇乜睇頭，個個變成平胸凸肚，難怪無綫遲遲唔肯公布大家超關心的佳麗的三圍數字！
紅瘡岩石
佳麗中身材算係凸出的王舒銳，近睇除咗滿面爆瘡，連帶胸下都生咗幾粒紅瘡，佢話係因為敏感所致，不過佢對胸有啲硬到似岩石胸，疑似後天加工。
細碼露半球
林泳淘着的泳衣有啲唔啱身，搞到差啲走奶露半球，但她說件泳衣係大會揀：「其實原本有D cup㗎，不過近排太辛苦，得番C級咋！」
波平冇睇頭
B組隊長卞曉帆樣子標青，雖然皮膚白滑，可惜身材真係一般，但有傳佢叔公汪養然係中共特務，上年搞埋紅酒品牌自己做總裁，咁猛料，斷估班竹昇妹唔敢搞佢住。
狂縮現肋骨
有「翻版陳妍希」之稱的陳潔玲，為選港姐搞到同家人反晒面，當知道陳華鑫被out時亦喊到收唔到聲，可惜佢一着泳衣發現佢肚腩大過胸，狂縮肚都冇用。
慘做雪條
雖然𠵱家係六月，但英國仍只得零度天氣，一班港姐着泳衣不時嗌凍，未埋位時都忍唔住要圍埋互相取暖，香艷得嚟都戥佢哋慘！
竹昇目標明確
靚女被out，原來幕後工作人員亦睇唔過眼，爆料指港姐中幾位海外佳麗，包括來自溫哥華的曾明俐、多倫多的譚曉榆、布里斯本的李渼琦、紐約的張鈞美等，再以陀地黃心穎為首，一班竹昇幫聯手夾埋踢佢哋兩個港女代表出局，賽前傳出慾照的鍾麗預咗輸，但竹昇幫原來眼紅連後補Gloria盡得網男心，喺網上成大熱風頭，於是團結一致將佢out出局，導致各高質素佳麗人心惶惶，好驚成為呢班竹昇黨目標。竹昇幫勢大，多位港姐原來亦有聽聞，如貴為富二代的卞曉帆說：「有聽聞過，未必係真嘅。」而另一港姐王舒銳都話：「聽過吖，我都好驚分組比賽輸呀！」寸開的湯洛雯亦話：「大家實力好平均。」面對一班竹昇專對付熱門，大熱湯洛雯都要收斂唔敢惹佢哋！ ####
留言列表
{{ article.title }}
