龍心遊行期間不忘舉機自拍影片，upload上YouTube分享，保持人氣。
早前週日近三十個團體一齊由遮打花園遊行至中聯辦，要求中央查明內地民運維權人士李旺陽死因，還佢清白。當中各大學學生會及學聯都有出席，當日Spy就跟隨有份參加嘅學聯社一齊遊行，點知「維園霆鋒」的龍心都有到場。


龍心眼見學聯社一班後生仔以黑布蒙眼以表示李旺陽死因未明，覺得得意即變身自稱「中央之子——絕心」，走去挑釁學聯社成員，龍心大叫：「你哋班人對抗中央死得啦！」卒之惹來學聯社同其他遊行團體不滿，覺得佢係嚟抽水，唔尊重李旺陽，但係同學仔好克制，只係細細聲話，「搞錯！阻住我哋示威！」之後龍心仲話：「呢度係自由地方，關你咩事！」結果擾攘一輪見冇癮就轉到撩人民力量嘅成員，今次spy要畀like啲學聯仔，冇理龍心，全心為李旺陽申寃遊行，抵讚！ ####


蒙眼示威學聯代表以黑布蒙眼遊行，以示雖然前路未明，不過都唔怕勇敢前行，直至找到光明。


人民大量成員眼見龍心阻礙遊行，就上前叫佢行開，仲發生口角，粗口滿天飛。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄