蔡少芬風騷奶媽本月初《金枝（貳）》移師橫店開拍，劇組齊齊食長腳蟹聯誼，「如妃」鄧萃雯唔在場，蔡奶媽當然全場獨大，仲攞住隻蟹腳影相添。
《心戰》玩心理賣血腥，C9唔識欣賞，不過監製戚其義的新作《金枝慾孽(貳)》，講後宮女人爭風呷醋搶男人，肯定可以在C9界收復失地。話晒《金枝慾孽》係無綫古裝劇金漆招牌，今次續集不容有失，阿戚拉大隊去上海橫店取景，一班飾演宮女嘅女星開心到好似鴨仔團出埠咁，日日在微博全天候報告拍攝情況。梗係啦，橫店影城喎，你估荔枝角公園咩？
龔嘉欣、苟芸慧宮女典床
阿戚在《金枝(貳)》起用新班底，其中雀屏中選的小花就有在《拳王》做小三賤上位的龔嘉欣，和瘦咗又索咗的苟芸慧。龔嘉欣在《金枝（貳）》做蔡少芬繼女同宮女首領「木都兒」，而苟姑娘就飾演宮女「芊蕊」，二人在戲中關係係點就未知，不過見佢哋friend到將同床靚樣放上微博，應該堅係好姊妹。
葉翠翠橫店跛豪
葉翠翠都算係黑仔王，在橫店只拍咗一場戲，就在酒店房跣親搞到右腳骨裂。最慘為咗遷就劇組，翠翠焗住用枴杖兼搽藥膏死頂，都唔敢打石膏。好彩佢仲有同劇飾演丫環、之前捲入咗「被姦案」嘅陳婉婷（Hebe）送上滋補湯水呵番；不過就唔多見緋聞男友韋家雄關心，真係患難見真情囉。 ####
蔡少芬身為阿戚（下圖右）愛將，奶媽角色度身訂造，會同主子如妃爭崑劇名伶陳豪，二人戲分平起平坐。
蔡少芬帶埋1歲多嘅囡囡張楚兒上橫店拍劇，順便出席活動賺奶粉錢，今月初仲將母女鬼馬合照放上微博。
龔嘉欣（右）同苟姑娘難得天未黑就可以返酒店休息，二人一邊等食晚飯，一邊典床傾吓偈。
全站熱搜
留言列表
{{ article.title }}
