單眼皮、細眼、厚嘴唇嘅金秀炫，唔算花美男，但憑180cm高䠷身材，以及獨特笑容，男女老幼觀眾統統俾佢秒殺。
亞熱帶 韓國天王裴勇俊於2011年將金秀炫收歸旗下並力捧，除自資開新劇《Dream High》（無綫J2台30號開播）俾佢孭飛，更親自上陣客串。金不負裴帥所望，《Dream High》令其火紅。接着演出MBC嘅《擁抱太陽的月亮》（無綫精選台6月27日開播）掀起劇集狂熱，年僅24歲嘅金秀炫打敗韓石圭、車勝元及朴時厚等一眾影帝級前輩稱帝，認真厲害。金秀炫藉《擁》嘅人氣，最近已接了17個廣告（每個廣告價約港幣270萬）、3部電影，更帶挈經理人公司Keyeast股價暴漲25%，公司市值高達港幣3.2億元。難怪老闆裴勇俊視他為生金蛋嘅雞。


正如Keyeast公司中人所講﹕「最近嘅投資者唔再以裴帥嘅人氣嚟評估Keyeast嘅發展性，而係將焦點放晒喺金秀炫身上。」可見其在公司地位舉足輕重。金秀炫在《擁》劇中飾演皇帝李暄，因失去童年時一見鍾情嘅王妃，自此變得冷酷、不苟言笑。直到遇到跟初戀情人非常相似，由韓佳人飾演嘅失憶巫女月亮，令其迷戀到寧愛美人不愛江山。金的痴情皇帝演得入肉，打動所有韓國觀眾而被封為「國民殿下」。


金秀炫獲得視帝，雖被質疑，但年初韓國影評家及傳媒為演藝界一眾80後屬龍藝人搞咗個「誰會是最成功的屬龍明星」，金卻能喺一眾組合偶像中位列第二位（第一位係Superjunior嘅老么圭賢），原因係他有無窮無盡嘅發展可能性喎。其實金秀炫同演藝界亦有淵源，因其老爸金忠勳係搖滾樂隊Seven Dolphins嘅主唱，童年時他亦經常客串演出電視劇，演出算有經驗。

簽約裴帥大成功
金秀炫17歲時跟BOFkorea簽約當練習生，07年出道，發展平平，09年演出《聖誕節會下雪嗎？》及2010年嘅《巨人》（早前喺亞視本港台播過）雖獲得SBS演技大賞「最佳新人獎」，但人氣仍一般。直到2011年轉簽裴勇俊嘅Keyeast後，先後演出《Dream High》及《擁抱太陽的月亮》，隨即颳起金旋風。依家人氣火爆，蔓延韓、日、中、台。相信唔使幾耐，旋風好快會吹到嚟香港。

威水史
金秀炫可以講係韓國藝人中勢頭升得最迅猛嘅新生代藝人，出道以來獲獎無數。

爆瘀事
人紅一定免不了負面新聞，金亦不能例外，除俾人影到佢煲煙外，亦被翻出原來佢英語好水皮，曾在綜藝節目上將「Hollywood」誤寫成「Horrywood」而成為笑柄。 ####


《擁》於3月27日播出大結局，金秀炫跟韓佳人深情擁吻一幕，收視竟高達52%，比平均收視48%高出4%。


金秀炫喺《擁抱太陽的月亮》飾演皇帝李暄，一時情深款款，一時幽默睿智，演技出神入化，令觀眾完全hold唔住。


飾演失憶巫女嘅韓佳人，雖比金秀炫大6歲，但因力保童顏，故睇起嚟兩人非常登對。


成為裴勇俊搖錢樹嘅金秀炫（右），日前陪同老闆裴勇俊（中）出席公司旗下女星林秀晶新片《我妻子的一切》首映，同行仲有《宮》的大王子朱智勳（左）。


金秀炫爆紅後，工作多到連瞓覺時間都冇，只能利用趕日程時喺車度瞌瞌。


金秀炫係俾佢阿媽一手推入演藝界，跟老爸冇關係。


喺《巨人》中飾演年輕版李慕誠，性格堅強，信心十足嘅年輕人。


2011年演出裴勇俊親手策劃嘅偶像劇《Dream High》時，同女主角Miss A成員秀智傳出緋聞。


《擁抱太陽的月亮》獲得第48屆百想藝術大賞「電視劇最佳男演員」。


2011年憑《Dream High》分別獲得KBS演技大賞「最佳男子新人」、「最佳人氣」及跟秀智嘅「最佳情侶獎」。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄