博出位 中國人最講求好意頭，剛過去的星期日是5月20日，520普通話讀音和「我愛你」十分接近，一眾藝人紛紛趁機會在微博向至愛表達「1314」（一生一世）心意，真係連媽咪姐都俾佢哋冧到暈呀！

吳君如 夫女素描吳君如雖然同陳可辛還未正式註冊結婚，不過講到君如最愛，梗係長毛心肝寶貝陳是知啦，只係估唔到君如嘅畫功咁好！

應采兒 肉麻夫妻

陳小春之前被內地女藝人引誘，幸得老婆應采兒快手擊退小三。采兒其實都好愛小春，連食奄列都諗起老公，要用茄汁寫上夫婦名字，寓意二人連成一起，而小春亦向老婆表明「520，13:14」，sweet爆。

李嘉欣 公子叻沙
許晉亨為老婆李嘉欣親手煮叻沙，呢個窩心行動自然令她甜在心，不過李嘉欣就暗彈叻沙的味道。許公子十指不沾陽春水，好心李美人唔好咁挑剔啦，媽咪姐個死佬，都未試過煮嘢俾我食呀！

鄧紫棋 隔空傳情
鄧紫棋同台灣歌手男友林宥嘉，刻意低調戀情，不過她卻忍唔住喺呢個日子，用手做出「心心相印」，實行越洋向男友示愛。

陳煒　一三一四
陳煒同老公顏志行長期分隔港台兩地，煒哥的老公雖然係生意人，但冧女都有一手，趁這個日子向老婆講「我愛你」，煒哥就用iPhone時鐘「1314」回應。 ####


 


應采兒在奄列寫上自己乳名「丁」及代表小春英文名Jordan的「J」，向外宣示主權。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄