有口難言嘅阿旦，要向收銀姐姐寫紙仔。
憑住一把靚聲撈足幾十年嘅阿旦鄭丹瑞，上個月失驚無神失咗聲，醫生千叮萬囑叫佢唔好夾硬講嘢，阿旦為咗要養番好把聲，最少兩個月要做啞佬。冇咗搵食架生，呢位多年嘅金牌司儀唔單止推晒所有job，就連日常生活都要靠半桶水嘅手語同人溝通。

 
前幾日，媽咪姐喺跑馬地撞到佢入7仔增值八達通，查實試過增值嘅人，都知只需要同收銀講句，然後嘟卡就掂。不過阿旦有口難言，將個銀包喺收銀姐姐面前左fing右fing，然後又作勢擺落部機嘟。可惜搞咗半日，收銀姐姐都唔知佢搞乜東東，最後阿旦問人攞咗張紙同筆，寫咗「增值」兩個字，對方先恍然大悟。 ####

 


阿旦喺7仔入邊好無聊咁頭岳岳，呢樣睇吓、嗰樣又望吓，最後都只係做咗增值走人。


阿旦早前都係以書寫方式接受《忽周》訪問。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄