Toby一提到被陳七及好姊妹背叛，多次泣不成聲，雖然事後陳七家人亦有致電慰問及說好話，但Toby已死心。
南華足球隊前鋒陳肇麒（陳七）繼早前偷會媽模Mia後，上周再背住正印女友Toby（女子組合MVG成員）偷食斷正，今次更帶長髮女子到時鐘酒店爆房，有片有相，無得抵賴。爆房女主角21歲嫩模Emily Cheung，原來是Toby的好姊妹，Toby慘被男友及好姊妹背叛。雙重打擊下，Toby連日來情緒崩潰，更哭訴：「我唔會再信佢(陳七)！我覺得佢哋好污糟！」更痛駡情敵：「個賤女人好卑鄙，枉我當佢妹妹！」

 
陳七被爆開房當日，正印女友Toby正於美國回港，在東京轉機時，接獲經理人、朋友近百個留言，陳七卻只留下「對唔住」三個字。Toby心知不妙，到達香港機場後看到有關報道，即哭崩機場。

Toby：個賤女人好卑鄙！
事發五日後，Toby接受本刊訪問時泣不成聲：「我到依家都未接受到，晚晚失眠，不停諗係咪只係發夢？唔係真嘅！」更令Toby傷心的，是「開房女」Emily和她本來是好姊妹，當初更是她把Emily介紹給陳七認識。 Toby哽咽說：「依家諗番起佢（Emily）平日嘅關心、鼓勵說話就想嘔。佢平日好似好乖，我當佢妹妹，叫男友take care佢。點知take care到去開房。」話音未落，Toby已經失聲痛哭，平伏情緒後繼續說：「個賤女人好卑鄙，我唔係要幫陳七講好說話，但一定係有人有心引誘佢！」Toby認定Emily引誘陳七，皆因她與陳七拍拖年多以來，男友對她和家人都照顧入微，佢話：「我屋企有咩事，佢會即刻幫手。好似我爸爸患cancer，我要去外地做嘢，佢每日都打電話俾我爸爸關心佢，又會揸車送佢去醫院。」淚流滿臉的Toby續說：「所以我更加接受唔到，佢會做啲咁嘅事﹗我唔會再信佢，佢留言求我原諒，話『我知錯，好後悔！』但佢已經傷害咗我同家人對佢嘅信任。佢已經一手將自己前途、形象盡毀。我覺得佢哋好污糟，佢從來冇要求我去開房，今次都唔知係邊個嘅主意！」本刊之後曾致電Emily，但一聽到記者問及陳七，Emily就cut線。

陳七風流帳

陳七面臨解約
陳七唔止遭女友Toby斬纜，前途更岌岌可危。據知爆房事件後，南華球隊班主羅傑承即時停止他出賽，並取消他參加今年「足球明星選舉」的資格。不止一次犯錯的陳七，激到羅生紮紮跳，他更誓言下屆球隊將會大換血。羅傑承說：「我哋同陳七仲有約，但可以解約。今次唔可以輕易算數，因為佢影響成隊波嘅形象！之前球會拍戒煙廣告時，佢已經被影到當街食煙，但今次又再被影食煙兼爆房，屢勸不改，一定要俾啲教訓佢。呢個月內會公布佢會否留低。」色字頭上一把刀，陳七再次「為食」，隨時變「雙失」。

正印小三大比拼
####

 


Toby（中）近日受情傷，MVG成員不時陪伴在側。上周五下午，兩名MVG成員陪她尖沙嘴shopping，但Toby全程無心機。


13日晚，陳七拖住𡃁模Emily到天后爆房，兩人先醫肚，再搭的士到時鐘酒店大戰一百分鐘。《蘋果日報》圖片


爆房前，陳七通街煲煙，隨手將未熄滅的煙頭掉落地，好無公德心。《蘋果日報》圖片


暗Mia 今年2月，陳七被發現和媽模Mia穿情侶裝夜蒲，Toby知道後，已原諒了陳七一次。《蘋果日報》圖片


台妹熱冧 10年，南華足球隊新聞發布會上， 陳七把握機會同台灣𡃁模李依璇「溝通」，得伊人夾胸甜笑。《壹週刊》圖片


早有前科 09年，陳七和當時的正印女友Natalie拍拖期間， 原來暗溝無綫姐仔李綺雯。被爆一腳踏兩船後，陳七留正印棄李綺雯，但未幾亦和正印分手。


一定要俾啲教訓佢。（真實對白）南華班主羅傑承不滿陳七一再自我破壞形象，決定出重手對付陳七。《蘋果日報》圖片


陳七與Toby拍拖一年多，陳七對Toby家人甚好，但今次出軌，令陳七失去情人及前途。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄