發呆企久未拍劇的吳綺莉，當日拍劇時不在狀態，要她扮手臂受傷時，只瞇着眼扮痛苦，明顯交唔足戲。
吳綺莉去年偕「小龍女」卓林回流返港，有指此舉惹怒成龍，斷絕每月十萬生活費。山窮水盡，她為搵銀惟有復出主持無綫清談節目。最近被安排夥苗僑偉和無綫契仔林峯拍重頭劇《雷霆掃毒》，無綫着實對她不薄。不過本刊得知，吳綺莉拍劇時態度hea爆兼唔記劇本，更試過與導演在片場開火。前周三（9日），該劇拍爆破槍戰場面，當眾演員一臉認真做緊張表情，但要扮中流彈受傷的吳綺莉，竟然在攝影機前打呵欠和偷笑。難怪出名好脾氣、在劇中扮演其上司的鄧梓峰也忍不住寸她：「佢係好需要教導吓！」

 
多年無工作無收入的吳綺莉，帶女回流返港一闊三大，只好努力銀。適逢無綫「渴市」正等人用，吳綺莉把握時機簽了包薪藝員約，定期有糧出。她先後做過收費台清談節目《女人有話兒》主持及《慈善星輝仁濟夜》司儀，但生硬表現備受批評。不過無綫近日開重頭劇《雷霆掃毒》再預埋佢，明俾位佢上。

有嘢呻
有份同吳綺莉在《雷》劇做對手戲的三哥、羅樂林和鄧梓峰都異口同聲對吳有微言，看來吳綺莉做人做事都要再培訓。

懶理三哥訓話
受公司重用，但吳綺莉卻唔多珍惜。有劇組人員向本刊投訴，「吳綺莉返工好似發緊夢，唔背劇本。每次埋位又唔記得對白，試過三哥（苗僑偉）同佢做對手戲，佢第一句已經接唔到喺度笑。三哥叫佢坐喺一邊睇熟啲稿再對，點知佢就匿喺一邊掛住傾電話。累到大家遲放飯遲收工吖嘛！」除了阻演員收工，她更試過與導演在片場開火。據知兩星期前，曾有一場廠景拍攝，演員包括林峯、官恩娜、鄧梓峰和吳綺莉。原本眾演員聽完做上司的鄧梓峰訓話後，都要做一個驚訝表情，但吳綺莉特登對在場一名男導演說：「咩驚訝表情？我唔識做呀！係咪咁呀？」隨即拎起枱面文件遮住塊面。該男導演即說：「好呀，roll機嗰陣你咪試吓咁囉！」眾人最初以為吳綺莉只在鏡頭後與導演互窒，誰知正式開機時，她二話不說便用文件擋面，導演即時嗌cut兼捉她埋一邊訓話。上周一（14日），記者就此事求證鄧梓峰，他承認係有件咁嘅事：「嗰場戲可能大家玩吓啫……不過Elaine（指吳）咁耐冇拍嘢要時間pick up，佢係好需要俾人教導吓。（你會唔會教導吓佢？）哈哈！佢有咁多人教，唔使我㗎啦！」

埋位掛住笑
本月九日，《雷》在電視城拍攝一場爆破大場面，除了徐子珊外，所有主角到齊。當日拍攝的槍戰戲，講述全部主角均中流彈受傷，吳綺莉無需講對白，只扮手臂受傷及墮地的痛苦表情。記者現場所見，當眾人都埋位準備就緒，老戲骨羅樂林更一臉認真等導演叫roll機，身後的吳綺莉卻一味掛住笑兼打呵欠，嬉笑態度與羅成強烈對比。記者事後問羅樂林，他亦插對手經常NG，「佢（吳綺莉）係成日NG，可能太耐冇拍啦！佢有天份，如果肯操熟啲會好啲囉！」對於遭劇組和藝人投訴，吳綺莉知衰認錯：「今次係做得唔好，下次做好啲囉！（知你同導演嘈過？）冇嘈，大家研究吓啫！不過拍劇真係好辛苦，幾吃力，拍完要攤唞吓放個長假，陪吓個女放暑假，仲要減肥，我知咁樣上鏡唔好睇。」復出拍第一套劇就嗌辛苦， 相信幾難有監製敢用你！

有女萬事足
雖然拍劇唔上心，不過面對自己愛女，吳綺莉就事事做到足，絕對係廿四孝慈母。 ####

 


瞌眼瞓


本月九日，眾演員到齊電視城拍爆破戲，埋位等roll機時烏眉瞌睡的吳綺莉狂放蚊，揸槍都冇力。


匿埋笑演員埋位後，羅樂林和林子善聚精會神，但他身後的吳綺莉只顧住大笑，無厘認真。


揞住耳


正式拍攝時，雖然爆破聲刺耳，有份入鏡的羅樂林繼續演戲，但飾演女警的吳竟雙手揞住耳，結果要NG再拍過。


佢成日NG！（真實對白）


有時間背熟啲稿啦！（設計對白）


佢係好需要俾人教導吓！（真實對白）


成龍怒斬十萬生活費，今年農曆新年，本刊拍得吳綺莉與友人呻窮。


在剛過去的母親節，卓林畫了一張感謝卡俾媽咪，甜到入心的吳綺莉即上載微博與網友分享。


去年12月，卓林12歲生日。為愛女，吳綺莉親自聯絡卓林學校一班同學仔到大尾篤BBQ，為愛女慶祝生日。


未婚誕下「小龍女」卓林後， 吳綺莉早年與愛女相依為命移居上海，去年兩母女回流香港卻因此觸怒成龍，斷她米路。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄