上期《忽周》有一篇《獨居劏房的孩子》，媽咪姐睇到報道主角樂仔，小小年紀就要日日夜夜返學返工養自己，真係好鬼心噏！估唔到唔少讀者都好同情佢嘅遭遇，仲特登打嚟《忽周》編輯部，話希望幫幫呢位為生活掙扎嘅後生仔，令媽咪姐好感動！


有位王小姐捐6千蚊俾樂仔做生活費； 開地產公司嘅陳小姐希望請樂仔做文職part time，等佢唔使放學仲要送外賣咁辛苦；長期讀者利小姐，話好想幫助樂仔，仲問用邊種方式最好？由於查詢眾多，《忽周》編輯部託媽咪姐同大家講，會盡快處理，並感激各位對樂仔同《忽周》嘅支持，話一定會繼續透過文字，為社會各階層發聲㗎！而樂仔呢，就想同各位有心人講多謝，話會努力為未來奮鬥㖭！真係乖仔呀。 ####


 


邊個話香港人冷漠？《忽周》讀者都唔知幾有愛心！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄