媽咪姐年紀愈大， 愈懷念過去嘅一事一物。周日（20日），殿堂級樂隊Bee Gees主音Robin Gibb因癌病逝世，享年62歲。媽咪姐由細聽到大，陪伴成長嘅老朋友，終於離開。


可以不傷心嗎？由〈To Love Somebody〉，對愛情嘅迷思到〈Stayin' Alive〉嘅青春激情， Bee Gees每一首歌曲或多或少曾觸動過你嘅心靈。 Bee Gees創立時以Gibb三兄弟為主，其中以靈魂人物Robin最為人津津樂道。 佢1969年與兄長Barry意見不合，離隊作個人發展，不過輾轉又重新歸隊，多年來，創作無數經典金曲，漸漸走上殿堂之路。可惜Robin始終敵唔過病魔。2010年佢因腹痛進行手術，被迫暫別幕前休養。2011年，Robin被診斷患上大腸癌，更擴散到肝臟。病情雖然一度受到控制， 但另一次腸臟手術，再度令Robin身體轉差。今年4月佢一度昏迷，蘇醒不足一個月，卻因病與世長辭。好歌無奈已成絕響，只望佢一路好走。珍重！

三段姻緣

一門四傑
Robin兄弟極具音樂天賦， 不過兩位細佬英年早逝，細佬Andy1988年心肌炎逝世，享年30歲。孖生細佬Maurice2003年因腸臟手術引起併發症而離世，終年53歲。如今Robin一走， 大哥Barry係Bee Gees最後一位家族成員。 ####


 


Robin 於1968年跟唱片公司秘書Molly Hullis結婚，育有一子一女，可惜12年之後離婚。


第二任妻子Dwina Murphy Gibb係作家兼畫家，兩人於1983年誕一子，婚姻維持至今。


2008年，Robin被揭與清潔工人Claire Yang有染，並育有一女，此婚外情導致Robin婚姻幾乎破裂。


Bee Gees樂壇成績彪炳，創下超過2億張唱片銷售紀錄。


Robin2010年因腹痛而接受腸臟手術，體重暴跌，面容更凹陷憔悴。


2002年Bee Gees獲 CBE 勳銜，但細佬Maurice 突然離世， 延遲至2004年先頒授。當日Robin（左）、大哥Barry親自受封，Maurice則由其子代領。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄