親揀納米布
除了選用型格家具，Angela對用料也十分講究，最緊要衞生。她說︰「我好腌尖，信唔過網上購物。屋企每一樣嘢都要自己買，親手摸下先放心。好似梳化同櫈，我都會揀納米布，貪佢防水、防菌，夠乾淨。」
家中設計方面，她利用假牆做大櫃收納雜物，一切以整潔為大前提。「我鍾意間隔好工整，本身個廳係鑽石形，我就間了道屏風，後面變成個小三角形嘅雜物房。我寧願個廳細啲變長方形，都好過見到雜物。」
在鑽石形客廳加一道屏風，不但將角位遮咗，亦造了個雜物房擺雜物。
通往房間的走廊，牆身裝了多個方形小燈槽。「屋企唔可以有一part係黑，所以一到黃昏，我一定要開晒走廊嘅燈。」
要屋企一塵不染的區文詩，買吸塵機都極講究。「佢可以吸塵之外，又可以淨化空氣，連我隻狗身上的塵蟎都可以吸埋。」咁多功能，盛惠$24,000。
購自G.O.D.的餐檯組合，餐椅亦是由納米製造。「納米布好處係防水、防菌，但係唔好就係佢會起粒，好似好舊咁！」
餐檯兩旁放了一排訂造的鞋櫃，高至上天花板。「我唔鍾意見到啲嘢周圍放，就整多個櫃收埋鞋同書。」
廚房整潔企理，區文詩看似甚少在家中下廚，但原來她是有營「煮」婦。「我煮日本嘢多，好似生薑豚肉、日式咖喱咁，不過我怕油淋淋，每次一煮完都即刻要工人抹乾淨。」
為了兒時夢想，區文詩揀雪櫃有另類要求。「細細個覺得有製冰嘅雪櫃好勁，所以買雪櫃都要睇下有無呢個功能。」
睡房本來一樣有無敵海景， 但前面不斷起樓，海景愈遮愈多，現只得三分一個窗。
區文詩自小鍾意Monchichi馬騮公仔，於睡房內放了30多個。「我依家盡量唔買，因為風水角度，擺得太多人形公仔會影響運程。」
睡房牀邊的層架放滿Monchichi馬騮公仔，多數是限量版。「細個媽咪呃我，話有死老鼠喺公仔入面，嚇到我唔要，到依家我有自己地方就買番晒！」
客房就在主人房隔籬，方便朋友留宿。房間設計簡單，一樣有得睇海景。
屋內大部分家具以earth tone為主，而客房內亦有購自泰國的藤織燈，襯出大自然味道。
留言列表
{{ article.title }}
