台下逼到死，台上小春就繑晒手好他條咁唱歌，仲有兩個所謂嘅dancer傍住，以防有人掟嘢！
藝人返大陸登台經常發生不愉快事件，女嘅被抽水，男嘅被襲擊，都咪話唔驚。之但係幾危險都好，藝人依然冒險北上密密做，無他嘅，人仔紙水高嘛。好似收開幾萬蚊人仔一場嘅陳小春咁吖，去年十月去汕頭登台，曾經被觀眾掟螢光棒都要頂硬上，上周四（17日）再次踩入深圳夜場搵真銀。


講開舊年單料，媽咪姐收到風，上次小春因被掟螢光棒憤而掟咪，唔小心觸怒大老闆，更有保安人員矢言:「唔執番支咪，唔准出門口！」此話一出，原本怒氣沖沖嘅小春即死死哋氣執番支咪，當無事發生繼續唱歌。
吸取上次嘅教訓，小春今次到深圳夜場登台亦小心為上。聽講佢特別要求主辦單位增加保安人數，確保唔會有嘢掟上台，舞蹈員更要形影不離兼做保鑣。果然，小春唱歌期間，兩位舞蹈員一步都冇離開過，十級警戒。唱咗五首歌之後，小春就急急走人，連一句「下次再見！」都慳番。
又係嘅，費事講多錯多啦。 ####


當晚酒吧搵嚟近10個保安睇場。佢哋着晒軍服，以人牆攔住群眾。其間有觀眾不滿保安擋住而爆粗，場面混亂。


迷你演唱會凌晨一點多開始，小春說話都唔多兩句、企定定連唱三首歌，終於第四首〈神呀，救救我〉先同dancer郁兩下，是但喺台上行個圈當應酬。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄