二○一○年上映嘅《志明與春嬌》，講兩位男女主角後巷煲煙撻着，靠口碑收近八百萬，如果唔係三級，應該唔只呢個數；電影叫好，老闆繼續支持導演彭浩翔搞《春嬌與志明》，二五話，仲陸續有嚟。
後巷煲煙或者圍住個當街BBQ，隨處可見，早排《壹》仔喺天后，都撞到澤東老細王家衞，企响間餐廳外面吞雲吐霧。
是日王大導同佢公司得力高層彭綺華食lunch，但坐唔夠一陣，王老闆已經要行出門口上電，彭綺華見老細唔願返埋位，於是走出去一齊煲，兩位煙民，煙當飯。
哈，彭浩翔可以快快手三年兩部，換咗王家衞嘅話，個mood一定好唔同，梗係，等都等到吽啦！


####


先到嘅王家衞，見彭綺華未到，企响門口食支煙先。


坐低唔夠一陣，王家衞再次行出餐廳門口上電，彭綺華亦走埋出嚟一齊煲。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄