同陳敏之扮好姊妹餵食士多啤梨，之後再攬到面貼面合照，陳法拉咁落力，都係想救收視。

星期日（三月二十五日），香港市民焦點，十居其九係睇住梁振英憑689票做下任特首。特區政府七月先換班，但陳法拉孭飛嘅新劇《東西宮略》，嚟緊大結局，明知收視一直好麻麻，無綫於是响小圈子選舉當日，安排《東》劇齊腳去荃灣落區做宣傳谷收視。


最後一擊，當然要去到盡，演員抽籤配對，再用口傳口方式互餵生果，衞生問題doesn't matter，最緊要班街坊睇得開心。只可惜準特首當選後暗示會為《基本法》23條開綠燈，民陣於是呼籲市民四月一日上街抗爭到底，撞正《東》劇星期日大結局，陳法拉公然唱反調，叫大家留响屋企睇電視：「唔好，大家唔好上街，幫幫個收視，留番喺屋企睇開心啲，下個禮拜好精彩！」要全香港市民維護你個人嘅核心價值唔上街，陳法拉，你個腦有事，要check吓！ ####


郭晉安瞓低歎殘廢餐，由劇中扮齊國公主嘅林穎彤餵士多啤梨，不過之後安仔仲要含香蕉，噁心！


最離譜係阮兆祥同黃智賢，兩個男人用口互餵提子已經夠攞膽，仲要有三級動作，乜你哋拍鹹劇咩！



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄