「LINE」廣告分為「電話篇」同「簡訊篇」。响「電話篇」入面，小鎂擘大喉嚨「啦、啦、啦、啦」製造「煩」音，就算出浴露埋點都冇用啦！

拍完《不能說的•秘密》，桂綸鎂從此獲封為台灣「氣質女星」，明明神聖不可侵犯，但小鎂最近一個新廣告，居然一面倒dislike，搞到女神形象幾乎破產。


小鎂代言嘅係免費智能手機程式「LINE」，舊年年尾香港一度出現「盲load LINE再盲剷LINE」現象，港仔港女怕中毒怕收錢所以唔再buy，但台灣呢期個個都興玩，為咗吸引更多人下載，於是搵小鎂拍電視廣告谷宣傳。
廣告導演搵嚟林憶蓮密友Maisy蔡美詩操刀，話晒係廣告界紅人，以為佢會將小鎂拍到更有氣質，點知廣告idea要小鎂不斷高音低音再擘大喉嚨係咁「啦、啦、啦、啦」，背後意思係無論「啦/LINE」幾耐都唔收錢，不過刺耳得嚟又走音嘅尖叫聲，好多觀眾睇完都投訴，就算小鎂有出浴、碌地氈等撩人鏡頭，都完全挽救唔到佢氣質形象，更有小鎂fans大鬧廣告導演Maisy「智障」，話要集體「剷LINE」以示不滿。 ####


廣告由林憶蓮密友Maisy操刀，如果佢專登拍成咁引人注意的話，我想講，佢成功咗！


「簡訊篇」雖然冇晒尖叫聲，但要小鎂扮「LINE」入面嘅表情公仔囉，救命！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄