滾開！（設計對白）同林峯床照見街，潘霜霜被指係始作俑者，搞到連寫真都出唔成，直到最近先有機會上《舞林大會》。

經歷林峯床照事件，潘霜霜被國內傳媒封為「爭議女星」，工作量急跌，唔似得「床照拍檔」，繼續做亞皆老街至太子道西最受歡迎男歌手，絲毫無損。


Hea咗成年，上個禮拜四（三月八日），潘霜霜終於到個機會，參加高收視節目《舞林大會》，咁難得，佢當然搏到盡，希望可以入圍繼續跳。花半個月時間同兩位老師學跳森巴舞，36D潘霜霜唔想賣胸求榮，就算練舞練到要睇中醫針灸，都死撐，比賽當日更著上「封胸」舞衣，唔想心口成為焦點。跳完舞，評判俾分，其中一位老師負責俾評語：「說實話我之前也是戴着有色眼鏡看你，但這幾天我發現你是一個怕鏡頭，甚至怕展現自己身材的女孩。」有人體諒，加上入到圍，潘霜霜即場喊咗出嚟，仲話終於有人明白，自己唔係個自爆戀情床照，想整死林峯嘅壞女人喎！ ####


Chok過我喎！（設計對白）


排舞半個月，潘霜霜又要鉸剪腳，又要胸頂男導師，蝕晒！


知道入圍，加上評判對佢壞女人形象改觀，潘霜霜喊到連個妝都溶晒！好驚！


收埋36D，潘霜霜反而有工開，先排情人節同丁子俊潛入水同雜誌影封面，仲有幫遊戲展著cosplay做代言人。


跳到腰傷，潘霜霜要睇中醫急救。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄