舊年10月宣布甩拖嘅白歆惠，同籃球員毛加恩三離三合，終敵唔過7年之癢，當時已有傳毛加恩出面收埋第二個，白歆惠雖然否認，但就為咗呢段7年情，瘦到人唔似人，5呎8吋高，得番100磅人乾。有過復合前科，外界以為兩個只係耍吓花槍，過多三兩個月一定會好番，點知白歆惠最近開始長駐日本發展model事業，而另一邊廂，毛加恩嘅新女朋友終於曝光。


白歆惠話晒拍過收視冠軍偶像劇《命中注定我愛你》以及《偷心大聖PS男》，响台灣又係一線model，偏偏毛加恩嘅新歡，居然係知名度極低嘅奀模王予柔。講樣講身材，王予柔根本冇料做model，好在佢老豆叫王東生，即係全球最大皮帶製造商亞美集團嘅總裁。身為總裁獨生女，現年23歲嘅王予柔做model只係賺錢買花戴，全靠老豆有頭有面，先有機會入行，仲俾佢識到毛加恩，據聞兩個嘅情史，响籃球界已經好公開，先排王予柔仲俾人影到响毛加恩屋企過夜，第二朝化晒妝換埋衫走人，估計已經同居咗一段時間。記者問佢係咪拆散「白毛戀」嘅小三，王予柔一句都唔答，驚到跑落捷運站走人。終於知道邊個係狐狸精，記者打俾白歆惠，佢堅持唔想知答案，只係話：「很早就知道他有女朋友，（第三者）我不想知……這些都不是重點，只要有人照顧他就好。」據聞白歆惠之前已經收到風，知道毛加恩同新歡外遊，心情激動到係咁喊，唉！30歲先嚟失戀，仲要輸俾條奀模，我都喊啦！ ####


現在式


毛加恩練完波，帶埋新歡同隊友打邊爐，兩個食飽繑手行出門口，之後一齊返毛加恩屋企過夜。


第二朝，王予柔換過另一套衫離開毛宅，記者追住問佢係咪搶人男朋友，佢驚到衝入捷運站閃避追訪。


白歆惠失戀期間俾人影到同藍正龍夜蒲傳緋聞，事後白歆惠澄清同對方係好朋友，如果拍拖，感覺同搞基冇分別喎！


有錢老豆以前都係打籃球，王予柔對球員情有獨鍾，曾經同NBA球星易建聯傳過緋聞。


過去式白歆惠有樣有身材，毛加恩居然背住佢偷食奀模王予柔，傷心再傷埋自尊心！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄