無綫新節目《五覺大戰》保持一貫作風，八個嫩口「神獸天使」晒肉賣弄性感，包括去年入唔到港姐，卻憑住怪胸被監製錢國偉揀中，在《變身男女Chok Chok Chok》做「Chok之天使」，今次再冧庄的「講唔猿」白雲，雖然風頭不及另一神獸落選港姐蔡慧欣，但勝在有35E怪咪，一樣夠殺。最近勤學鋼管舞保持身段的白雲，更坦言自發育後已習慣被人勁，係男人都鹹濕！

樂易玲推薦
廿四歲的神獸天使白雲，去年參加港姐時打扮騎呢，35E逼爆黑色長裙，搞到心口大細邊，被傳媒封做「怪胸人」！港姐初選，白雲已經被飛出局，但轉個頭就憑「怪胸」引起監製錢國偉注意，招攬她加入去年《變身男女Chok Chok Chok》的「Chok之天使」。「好在樂小姐（樂易玲）將我介紹俾Wilson，先至有機會做節目。」白雲說。

性感冇問題
做「Chok之天使」，服飾離不開背心、熱褲、短裙，E胸白雲分外有睇頭，新節目《五覺大戰》做「神獸天使」，服裝件件超低胸，三吋「事業線」長期見光，加上同主持之一的錢嘉樂玩「飄移」，繼被金剛睇中的神獸蔡慧欣彈出後，白雲亦開始受到注意。對於刻意性感，白雲毫不介意。「咁耐以來，啲天使打扮都係差唔多，唔算好性感，可能我上圍比較豐滿，睇落先比較突出。外國啲女仔都成日著得好性感，我覺得咁著好靚，雖然會俾人望實，但我都OK接受到，係男人都鹹濕嘅！」

衰在心口大
但礙於鄉音未改，連讀藝員訓練班的資格都無，白雲於是轉移目標學鋼管舞。不過，因為「怪胸」太巨型，一上鋼管，即使雙手連雙腳夾到實，依然不停失手，搞到兩腿內側，又紅又痛。眼見白雲多次上鋼管都失敗，導師Jady於是在鋼管和她的雙手搽上「膠水」，果然成功上鋼管。導師再教她在管上旋轉，並安排一支可轉動的鋼管，方便她完成動作，試了幾次，白雲已能夠在鋼管上自轉，可惜轉到又停唔到，35E怪咪，極為累事。

一級榮譽
白雲原名白雲鳳，有滿州正白旗血統。七年前與父母從天津來港定居，去年報名參選港姐，雖然沒有入圍，卻因身材夠怪，被封為「鴛鴦G奶」及「怪胸人」，並因而被睇中在遊戲節目《變身男女Chok Chok Chok》中擔任其中一個Chok之天使「吹波糖」，並在新節目《五覺大戰》中，再做神獸天使。一口標準普通話的白雲曾經參加國家水平測試，獲一級榮譽畢業，未入行前曾編寫中學普通話課本，現於公開大學修讀創意寫作及電影課程。 ####


擺甫士白雲學鋼管舞第一步先是學擺甫士，三吋事業線睇晒。


上鋼管塗上膠水，白雲成功上鋼管旋轉。


下墜心口太大，學上鋼管的白雲，手腳並用都捉唔實，不停向下滑。


傷大髀大腿用力過度夾鋼管，搞到又紅又痛，嗌晒救命。


無綫力谷八名神獸天使以性感打扮示人，令《五覺大戰》的收視提升不少。


去年參加港姐初賽面試，白雲揀錯衫，令心口邊高邊低，被傳媒冠以「怪胸人」稱號。（《蘋果日報》圖片）


以護士服上陣玩飄移的蔡慧欣，深溝盡現，在神獸天使中率先彈出，成為新一代高登女神。


打晒底，做足防走光措施的白雲，怪胸照樣現晒形，還不小心將橙汁淋落錢家樂頭上。


去年白雲（左二）被錢國偉揀中於《變身男女chok chok chok》中擔任「Chok之天使」。（《蘋果日報》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄