南華班主是誰？相信無人不知是 bma老闆羅傑承。但羅老闆最愛係乜？可能好多人只識答足球同賽馬，原來同樣講求速度的車都是他的至愛。首次接受車版訪問談車經，不單止對名牌超跑逐架評，仲自爆成日開快車，搞到扣剩兩分。但一提到跑車，羅生手舞足蹈的興奮程度，已叫我知道他愛開快車的心依然不死。記者：許維雅攝影：楊錦文
■大讚 SLS外形靚速度快，似乎有啲心郁郁。

■大讚 SLS外形靚速度快，似乎有啲心郁郁。

本周末有兩匹馬出戰 Mercedes-Benz香港打吡大賽的羅傑承，應邀出來談談馬說說車。傳媒鮮有報道他關於玩車的嗜好，原來他愛車的程度不比 IT沈老闆遜色， Benz大部份 AMG車系已經在他眼中玩厭了，家要玩林寶、拉利，甚至最新款的波子四門 Panamera都有，「拉利揸得太快時會有啲飄；波子 Panamera就太重，加速唔夠快；林寶入彎就真係可以入得好靚，我揸過咁多部跑車，最正係佢！」點愛跑車都好，作為老闆一定會有部老細車傍身，訪問當日就坐了一部平治 S Class過來，「我每兩年就會換一部 S Class，呢部 S500L CGI係新 o架！慳油啲？我好少理啲油價幾多錢……」講唔夠兩句，羅生已經俾同場另一傳媒借來的 SLS吸引住，仲衝埋上車試揸兩個圈，「嘩！都幾好力喎！雖然車身有啲重，但操控都幾好，反應好快。我好鍾意揸快車，成日趁朝早無車就會入機場兜圈。我已經俾人扣咗 13分，好牙煙 o架喇！」得番兩分，咪要上強制駕駛課程？「上咗啦！去油麻地上堂，已經攞番 3分！」羅生的坦白、健談，實在係我意料之外，那份率直的風趣跟他平日斯文形象帶來截然不同的感覺。

放大圖片
■自言揸林寶耐開始腰骨痛， S500L的超舒適懸掛一定無呢個問題。

■自言揸林寶耐開始腰骨痛， S500L的超舒適懸掛一定無呢個問題。

放大圖片
■真皮襯桃木的豪華內櫳力保多年來的老闆車地位。

■真皮襯桃木的豪華內櫳力保多年來的老闆車地位。

放大圖片
■ 4.7公升 V8新引擎雖油耗更低，但羅生似乎唔多關心。

■ 4.7公升 V8新引擎雖油耗更低，但羅生似乎唔多關心。

放大圖片
■ S500L CGI的 EDITION 125版本貴普通版四萬元，就送環迴立體聲系統、加熱及通風的前後排座椅兩個 Options等。

■ S500L CGI的 EDITION 125版本貴普通版四萬元，就送環迴立體聲系統、加熱及通風的前後排座椅兩個 Options等。

放大圖片
■除了着重速度，對車頭外形的追求一樣要講究。

■除了着重速度，對車頭外形的追求一樣要講究。

放大圖片

 

 

玩車趁後生

對速度如此着迷，羅生直言是天生的，不論賽馬還是鬥車，細至小學四五年級已經有癮，人哋睇卡通，佢睇賽馬貼冠軍，亦試過喺澳門讀書時揸大膽電單車撻到成身傷。人生第一架車係豐田 Celica，跟住就係日產 Fairlady，直至入銀行工作先擁有第一架平治 190E。家揀跑車會睇款睇速度，最緊張係 0至 100km/h要夠快，「啲車加速唔夠勁，好瘀嘛！有時出隧道口大家都急，你一加速就一下過咗人部車，嘻嘻！會好開心。」不停換車、視車如寶的他覺得養車如養狗，「好大劑！你要好似放狗咁定時郁吓架車，但自己又忙，亦好憎借車畀人揸，逼住抽時間出去兜個圈入油。」話雖如此，他亦希望有生之年揸盡靚跑車，唔想老咗先恨，「家揸林寶一個鐘已經腰骨痛，我又唔想好似其他富豪咁，去到 7、 80歲都仲揸架拉利林寶出街，不過就係個司機揸，自己坐隔籬，咁就好怪，哈哈！」視車為一種玩樂一種享受，視馬有一半係當作投資，「香港馬會獎金高，回報率大，所以我都係捨得買馬多過買車。」真的嗎？羅生做完訪問臨上車前都突然回頭拋下一句，「記住搵人 Send份 SLS嘅 Catalog畀我呀！」

羅老闆心水愛驅 放大圖片
日產 Fairlady

日產 Fairlady

放大圖片
日產 Fairlady

日產 Fairlady

放大圖片
豐田 Celica

豐田 Celica

放大圖片
豐田 Celica

豐田 Celica

放大圖片
Benz 190E

Benz 190E

 

S500L CGI EDITION 125

引擎： 4,663cc V8 Bi-Turbo馬力： 435ps/5,250rpm扭力： 71.4kgm/1,800至 3,500rpm傳動： 7G-TRONIC自動波後驅售價：$1,858,000查詢： 2895 7339（仁孚行）

第 134屆 Mercedes-Benz香港打吡大賽將於下個星期日舉行，羅傑承今年會有兩隻馬參賽，分別係「軍事策略」及「軍事行動」，問佢想邊隻贏？「我想?一二名，哈哈，嘩，獎金有成千萬就和味喇！」

放大圖片
■只試過 08年以團體名義拉頭馬，「希望今年贏啦！老婆叫我唔好再使咁多錢買馬喇！」

■只試過 08年以團體名義拉頭馬，「希望今年贏啦！老婆叫我唔好再使咁多錢買馬喇！」

放大圖片
■羅傑承的愛駒「軍事策略」。

■羅傑承的愛駒「軍事策略」。

 




■羅老闆兩年換一部 S Class，會用作平日返工代步，雖未算稱得上是忠心粉絲，但已經成為他的習慣。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄