尚有三年約未完的謝安琪，不斷對外暗示會離開環球，離心明顯。

跟環球尚有三年合約的謝安琪，近日不斷放風將會與公司解約，原來早在半年前，她已秘密向其他唱片公司轉會，當中傾得最埋有BMA和Neway。勉強冇幸福，環球亦對Kay心淡，開出四百萬賠償價放人。 ○五年謝安琪即使與Avex仍有年多合約，但照樣向環球埋手傾轉會，招數始終如一。

冇得商量
○九年憑《囍帖街》走紅的謝安琪，兩年前因四大唱片跟TVB反面，加上經理人針對傳媒，事業每況愈下，更試過三個月零收入。雖然煲極唔起，但去年三月，環球仍與她續約四年。「阿Kay同環球簽唱片約外，仲有簽埋部分經理人約，但續咗約之後，佢乜都話唔做，連同傳媒做專訪都話咁做無性格，班宣傳真係好難做；就算係Eason同克勤，同公司都有商有量，唔似得阿Kay咁，叫公司乜都唔好理，要人哋放手俾佢哋自己搞，真係講唔通！」知情者說。續約不夠半年，謝安琪的經理人周博賢及夏森美，便開始向其他唱片公司探路，當中包括BMA、Neway及金牌大風。「呢個圈咁細，佢真係當公司傻嘅，自己仲有成三年幾約，都夠膽喺外面傾其他公司，老闆知道之後真係好嬲，佢咁樣做，誠信有問題！」

話閃就閃
早於○五年，謝安琪仍是新人，當時跟Avex唱片公司仍有一年多合約未滿，但她的經理人已急不及待秘密與環球接觸。「當時佢哋同環球一拍即合，不過嗰時阿Kay無知名度，解約唔使賠乜嘢錢。依家歷史重演，只係今次仲誇張啲！」知情 者說。謝安琪要走，環球方面亦心淡放人，寧願將資源投放在新簽約的林憶蓮及吳雨霏身上。向環球董事總經理黃劍濤求證，他不諱言：「已經開咗個數俾周博賢，等佢覆！（係咪四百萬？）銀碼幾多唔可以公開！唔好意思！」

是非天后
入行8年，謝安琪人緣麻麻，06年簽約環球後，負面新聞一浪接一浪，未婚懷孕，唔肯宣傳，甚至試過同人夫Eason傳緋聞，從此一蹶不振。

大肚
過檔環球唔夠一個月，即發現未婚懷孕三個月，身為基督徒的阿Kay惹來外界抨擊，最終要勞動唱片公司高層為她交代事件，並宣布休假半年。

撈
去年與環球續約四年，但簽約冇耐，即秘密聯絡Neway、BMA、金牌等公司合作，最終觸怒 環球。

擺款
自詡是大學生的謝安琪，對唱片公司宣傳安排經常採不合作態度，更向公司表明立場：「唔稀罕做長訪問」，「淨係揀真係做音樂嘅傳媒合作。」

出口術
年初在紅館開個唱，多謝工作人員環節中，謝安琪不但沒有多謝環球，更出言暗寸，「係野草捽唔死，係海水污染入面嘅海龜，生命力強」，又暗示環球大蝦細，「雖然外面風大浪大……但我哋會以打不死的精神做音樂。」又以退為進，指自己經理人公司「只係家庭式作業」。 ####


上週六（10/3）謝安琪出席《大追捕》首影前，先與經理人夏森美到IFC食飯。


○九年，謝安琪憑《囍貼街》大豐收，她與環球高層Duncan在商台叱咤慶功宴上祝酒。


本月初，環球眾歌手在會展演出張國榮紀念演唱會，臨別秋波的謝安琪未有參與尾聲的大合唱，演出完自己部分便匆匆離開。


人氣大不如前的謝安琪，工作量不多，經常被拍得與老公張繼聰及兒子張瞻家庭樂。


環球決定放生謝安琪，寧願將資源投放到實力天后林憶蓮身上。


○四年出道的謝安琪，樣子與現時差距甚遠，惹起整容傳聞。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄