攔截對方球員進攻，完全唔合規格上陣嘅馬國明，肯起手，但對腳就近乎無移動。

星期一（三月十二日），《On Call 36小時》拉隊去咗小西灣漢華中學，同學生打咗場十五分鐘籃球賽。


有份落場嘅馬國明同羅仲謙都係有180公分嘅高佬，即使對方係校隊，照計唔會輸太遠，但賽果係8比18，校隊主場勝出。同中學生友誼賽，馬國明決定棄戰，皮boots皮褲落場，起手攔波又唔跳唔走；換晒波褲波鞋嘅羅仲謙就認真得多，全場走來走去，仲因為心急回防，搞到跣親個pat。唔使講技術，一個三張八，一個就未滿廿八，差十年，馬國明同羅仲謙，莫講話體能心態都大有分別，齋計緋聞，都差好遠啦。 ####


大隻羅仲謙帶波上前場，嘩，個波拍到高過膊頭。


心急回防，加上落住毛毛雨，羅仲謙pat pat受難，仲整污糟條褲。


放食飯時間，校內學生睇完比賽再同演員近距離接觸，夠鐘上堂都唔願返課室，搞到老師要嗌咪廣播。


除咗同校隊鬥波，《On Call》演員仲接受學生訪問，有anchor又有cameraman，好認真。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄