《那些年，我們一起追的女孩》香港票房直逼2,000萬，因為戲中有露股同「打手槍」鏡頭，令電影冇辦法响大陸上畫，有指國內同胞打算組團來港捧場，睇嚟票房數字有排升。香港收得，台灣更加唔例外，已經過咗1億港元大關，男女主角柯震東、陳妍希呢期紅到爆，據聞有20個廣告指定要搵佢哋情侶檔演出，估計收入過千萬港元。


要食住《那些年》熱潮，有銀行搶先搵佢哋拍廣告，內容、對白、以至拍攝手法，都照抄《那些年》。講述陳妍希係銀行電話客戶中心服務員，以溫柔聲線幫唔見銀包嘅柯震東解決問題，三年後，兩個有機會見面，柯震東居然認得出陳妍希把聲，最離奇係陳妍希又記得柯震東曾經唔見銀包喎。劇情講都冇人信，不過唔少觀眾睇完都激讚，就連導演九把刀都話拍得好，無計，呢期兩個咁紅，明明柯震東係溝女王，陳妍希又俾人踢爆「接客」，種種負面新聞都冇損兩位金童玉女嘅吸金力。


如果睇過《那些年》，都知道陳妍希把頭髮係故事重點，所以廣告一開始，就講長髮披肩嘅陳妍希，幫唔見銀包嘅柯震東安排cut卡同匯款。


三年後，陳妍希已經升職，紮起馬尾見柯震東並相認，跟足電影女主角沈佳宜嘅髮型進化，就連响廣告中自我介紹，陳妍希都話自己姓沈。 ####


電影大收，令柯震東陳妍希成為廣告商演搶手貨，據知因為銀行高層睇完《那些年》成為fans，於是即落order搵佢哋一齊拍廣告！（台灣《蘋果日報》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄