佗 B蔡少芬苦勸戒煙　張晉懶理照食
2011年02月11日
37歲的蔡少芬（ Ada）高齡懷 B，早前老公張晉便篤爆她脾氣暴躁，要他全天候服侍。
原來蔡少芬煩躁，除因佗 B影響情緒外，亦因老公張晉在她有孕後一直唔肯戒煙。蔡少芬擔心影響 BB健康，因此多次與老公嘈交，私底下又同密友狂呻。上周，張晉特意由內地回港陪老婆過年，但難抵煙癮密密煲，蔡少芬見狀即黑面皺眉。看來張晉為母子着想，要狠心搣甩煙癮！
去年 11月底，張晉在公開活動上宣布老婆蔡少芬有餡，又爆老婆脾氣差，要他貼身服侍兼半夜三更落街買消夜。報道出街後，蔡少芬曾難過得在微博訴苦，但原來她最嬲是張晉繼續抽煙。


餐廳外煲煙
本月二日（年三十）下午，蔡少芬和張晉同教友食飯，老婆在餐廳談笑風生，張晉則走出餐廳抽煙止癮。
 
嬲爆對待
張晉成陣煙味返回餐廳，蔡少芬極度不悅，立即皺眉黑面。
 
番老婆
飯後張晉一馬當先離開， Ada墮後慢慢行，不過他亦識做返轉頭拖住老婆番。

祈禱戒煙
張晉早年曾被傳媒拍到吸煙，當時蔡少芬表示會為他祈禱，她更說：「我本身聞到煙味都頭痛，試過為拍戲攞老公啲煙試食，點知吸一啖就暈！」
近日，張晉回港陪老婆度新春，本月一日（年廿九）張晉便駕車載老婆到銅鑼灣食車仔麵，接住再到附近店舖買姓氏利是封，沿途有傾有講，恩愛如昔。翌日，兩公婆再相約好友黃愷欣同彭嘉麗到元朗市中心午膳。已有 6個月身孕的蔡少芬十分好胃口，將成大碟意粉掃清光。其間她仲表現雀躍，同友人雞啄唔斷，但大煙癮的張晉卻走出餐廳煲煙止癮。未幾，蔡少芬見到成身煙味的老公回來，隨即皺眉黑面，擺明勁不滿。
擔心 BB健康
據其密友透露：「 Ada冇公主病，係擔心 BB健康啫。 Ada同張晉拍拖初期，已經勸佢戒煙，亦搵過唔少方法幫佢，例如戒煙貼、幫佢祈禱等，但都冇用。阿晉結婚前應承會戒，但到依家仲食緊，雖然佢匿埋食，但 Ada都好忟，成日哦佢。試過有次食飯， Ada見佢又食煙，嬲到當面鬧爆：『叫咗你唔好食啦，又話戒，戒咗咁耐都未做到。』我哋都有勸 Ada慢慢嚟，怕佢動胎氣。」
張晉違背承諾繼續抽煙，揚言生 3個 B先夠數嘅蔡少芬，看來要將禁煙行動升級。
孖住辦年貨
撇除食煙問題，蔡少芬和張晉的確恩愛，新年更孖住辦年貨。


撐枱腳
張晉早前在內地拍劇，新年前返港（年廿九），兩人即外出食飯撐枱腳。


之後兩公婆去買利是封，男店主讚蔡少芬佗 B都好靚女，得她心花怒放。
 
買利是封
揀利是封期間，兩公婆有商有量，狀甚恩愛。

微博晒溫馨 
年三十晚，兩人同教友們齊齊行年宵買花過年。 
初一，兩人上載一張拜年照。 
初二晚，兩人到教友家食晚餐，兼玩通宵。 
初五，張晉返內地拍劇， Ada亦透過微博隔空示愛。

三手煙影響孕婦
據關嘉美醫生表示：「吸煙者雖然冇直接喺孕婦或 BB面前吸煙，但吸煙者嘅衫、頭髮同身上都有煙味，孕婦、 BB同佢接觸，都有機會吸到對方揮發出嚟嘅焦油同尼古丁，即所謂嘅三手煙。科學數據顯示，吸入三手煙同樣影響肺部同致癌。」
撰文：娛樂組
攝影：蘇銘賢、貢程詩

蔡少芬高齡懷孕脾氣暴躁 苦勸老公張晉戒煙
傳蔡少芬高齡懷孕後脾氣暴躁，老公張晉要全天服侍
37歲的蔡少芬(Ada)高齡懷孕，早前老公張晉便笃爆她脾氣暴躁，要他全天候服侍。

原來蔡少芬煩躁，除因懷孕影響情緒外，亦因老公張晉在她有孕後一直不肯戒煙。蔡少芬擔心影響BB健康，因此多次與老公吵架，私底下又同密友抱怨。上周張晉特意由內地回港陪老婆過年，但難抵煙瘾巨大，蔡少芬見狀即黑面皺眉。看來張晉爲母子著想，要狠心甩掉煙瘾！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄