模鄧伊玲（阿旦）同無綫《娛樂頭條》嘅主持黎國輝（阿感）拍拖 5年幾，最近男方疑不忠有第三者，近日分手收場。聽聞阿感成日用短訊同埋微博識唔同嘅女仔，十足情聖，近日仲有指阿感越級狼媾鍾欣桐（阿嬌）同江若琳，令阿旦醋意大發，結果被阿嬌反駁話阿旦做新聞。雖然阿旦對男友依然有少少留戀，更曾經喺微博表白：「我們真的不行嗎？」，希望同阿感重修舊好，但一班好姊妹極力阻止。冇男友，好彩仲有班姊妹撐，阿旦情困期間有陳靜（ DaDa）一直陪住，日前兩姊妹約埋去九龍灣 MegaBox睇床上用品同家電。

放大圖片
DaDa（左）陪阿旦睇床褥，順道開解好姊妹。

DaDa（左）陪阿旦睇床褥，順道開解好姊妹。

放大圖片
阿感喺微博貼同女仔攬身攬勢嘅相，女友梗唔鍾意。

阿感喺微博貼同女仔攬身攬勢嘅相，女友梗唔鍾意。

扁嘴愁爆

戴住灰色帽嘅阿旦同 DaDa喺商場行嚟行去，聽聞阿旦一向鍾意下廚，期間佢睇咗多款唔同嘅攪拌器同電磁爐，似乎想為新居添啲新廚具。之後阿旦轉睇床褥，唔知係咪商場有太多情人節裝飾物令阿旦觸景傷情，全程愁容滿臉， DaDa為咗佢開心，買咗兩杯汽水坐低談心，但係阿旦不停扁嘴睇電話，終於傾咗近一個鐘，唔知係咪接受心理輔導？


剛甩拖嘅阿旦逛家電部，似乎對攪拌器好有興趣。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄