「俏俏」同「蠟面」雖然已經係公開咗,但兩個喺公開場合上面,仍然有啲避忌,完全冇做出一啲親密嘅舉動,好紳士淑女咁。但有二五爆料話,佢哋扮嘢啫,如果俾你見到佢哋嘅真面目,包你眼冤呀。有冇咁誇張呀?二五話﹕若果有跟過佢哋兩個返祖國做嘢嘅,都知佢哋嘅「習慣」啦。咩習慣?喺等開工期間,佢哋兩個一係就玩到癲咗咁,一癲自然忘晒形,於是兩個都變咗「性」人,幾乎句句不離三字經。尤其「俏俏」,佢依家紅咗就扮淑女啫,依家加埋「蠟面」,兩個直頭三字經當歌唱,連工作人員都聽到耳都側埋呀。好啦,玩攰咗,兩條友就匿喺保母車度。有次,有個工友烏烏吓舂上車,見到佢兩個攬到針都插唔入,成對連體嬰咁呀,該煨﹗其他人仲話佢哋咩紳士淑女喎,根本就係假正經。

全站熱搜

stinglife 發表在 痞客邦 留言(0) 人氣()