剛過三十七歲嘅楊千嬅不再少女,亦年過中女,如今熟女的祈禱最大願望就係繼後丁家香燈。

一到兔年,第一個講到明造人大過天嘅,就係丁生丁太伉儷。結婚年半,丁太一早話明造人大計起碼要等到去年尾嘅演唱會結束至開工。果然紅館騷唱完、補擺埋餐酒、最後做埋吳雨霏嘅演唱會嘉賓,宣布正式收爐,仲喺微博宣布,俾丁生挾住去睇醫生、仲應承醫生要戒奶戒咖啡戒汽水,要為「繁殖後代」革命咁話。
37歲千嬅咁心急,理應晚晚努力,不過成個新年假期, FBI見千嬅蒲微博蒲到凌晨,原來晚晚都有朋友拜年、圍住做莊嘅丁生玩兩手唔願走。咁搞法真係好難搞出人命喎!

 

放大圖片

年初四當日丁子高出席海港城活動,見到台上有個 BB,佢即刻撲去抱抱,恨仔恨到發燒。

 
放大圖片

初三喺海港城開工大吉嘅丁子高,大手筆派「一百」蚊利是,記者亦個個識做,祝丁家早日添丁。

 
放大圖片

(網上圖片)

 

戒奶生仔

2月 1日被丁生挾住睇完醫生,千嬅正式喺微博宣布全力展開造人大計,曾話過自己對蛋白質敏感,食燕窩飲奶會肚屙嘅千嬅仲話醫生要佢戒奶, FBI問過中、西醫,家庭醫生關嘉美就話:「生仔要戒奶?咁鬼佬應該會絕後!佢應該唔係對蛋白質敏感,而係對奶入面嘅乳糖敏感啫!」
丁太 2月 3日生日正日適逢大年初一,丁生特備驚喜派對又自製生日咭賀愛妻,千嬅冧爆!

 

 

全站熱搜

stinglife 發表在 痞客邦 留言(0) 人氣()