娛樂八掛大放送★

賀歲片《我愛 HK開心萬歲》昨日在荃灣宣傳，一眾女藝員包括陳法拉、呂慧儀、楊秀惠和陳美詩（ Macy）一同出席。孫耀威的過氣緋聞女友楊秀惠和現任女友 Macy同場，之前兩人曾同場出現，當時還毫無芥蒂，但昨日當要求楊秀惠與 Macy合照時，楊秀惠即說：「叫埋全部演員一齊影啦，今日係《我愛 HK》嘅活動嘛。」擺明不想和 Macy單獨合照，態度 180度轉變。

放大圖片

陳美詩（右）和楊秀惠這對孫耀威（小圖）的新歡舊愛，昨日狹路相逢。

放大圖片

陳法拉擔大旗和其他藝員宣傳賀歲片，她更落台派紀念品。

「私下有講有笑」 放大圖片

（左起）呂慧儀、法拉和楊秀惠表演書法，卻顧着按胸防走光。

提到孫耀威視 Macy為結婚對象，可會恭喜她？楊秀惠直言：「其他嘢唔回應喇。」反而 Macy表現大方，她說：「佢可能要做其他訪問，大家諗多咗，一場同事，仲合作拍《萬凰之王》拍得好開心，佢做一個好奸嘅妃子，我就做佢嘅宮女。」劇情可有被楊秀惠刻薄？ Macy說：「拍時個個都演得好乞人憎，但私下有講有笑，仲一齊食飯。雖然戲劇老師有話演戲要用真感情，但大家都係跟劇本做啫」。提到男友孫耀威希望結婚， Macy說：「我又冇收到呢個風喎，都係睇番男仔，媽咪就好心急，不過唔到我決定。」採訪：藍文浩　攝影：葉君海


楊秀惠昨日拒絕和陳美詩單獨合照，表現認真欠大方。