最近忙拍《喜愛夜蒲2》，呢一幕講Shiga因事入院，一見關楚耀就喊，Shiga話喊就喊，愈嚟愈好戲。激相流出後，FBI即刻WhatsApp佢，不過就冇回音；而男主角曲赤就更加唔聽電話囉！
23歲樂壇新人連詩雅（Shiga），上年孭飛拍電影《喜愛夜蒲》扮蒲妹入形入格，演床戲又夠放。現實原來一樣，最近爆出Shiga 16歲時，已撻着蒲場rapper K-Chek（曲赤），仲影低大批火辣慾照，當中Shiga同曲赤攬住咬耳仔兼且脷叠脷，大膽到FBI睇到眼都凸埋。


搞到咁大鑊，Shiga嘅唱片公司喺今個星期二（29日）開記招交代慾照流出，雖然曲赤就話前排搭的士唔見咗部iPad而搞出個大頭佛，但FBI收到風，就話其實有人為咗博出名，自己放相放料，終於博到個封面。除咗Shiga同陸永老婆Rainah外，FBI八到曲赤原來2年前曾嗒過衞詩，聽講衞詩自日本藏毒被捕後，已同關楚耀分手，之後開始信主耶穌，當時曲赤喺教會識咗衞詩，由於2人愛蒲又愛音樂，一撻即着，不過大家玩唔夠半年就分手；唔只衞詩，據聞栢芝細佬栢文，同Jeana行埋前，有個有錢前度Fiona，原來都同曲赤交往過！嘩，如果呢位曲赤可以將溝女精力放喺音樂上，應該會發展更好囉！ ####


一拍即合前年曲赤喺The Vine教會結識衞詩，由於大家都鍾意玩hip hop，一拍即合。


志趣相投，2人經常孖住班教友，扮鬼扮馬影合照。


栢文前女友Fiona（莊菲娜），據稱曾同曲赤交往過，Fiona係德福珠寶太子女，有樣有錢，曲赤真識食！


上年，第一集《喜愛夜蒲》中，飾演空姐嘅Shiga同萬寧哥哥沈志明上演火辣親熱戲，睇佢跌晒膊生擒萬寧哥哥個甫士，大膽到令人O嘴！


激情16歲 05年當時只有16歲嘅Shiga曾為《壹本便利》影過比堅尼泳衣照，7年前已經係咁激。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄