平食醫肚鬼妹仔性格鍾嘉欣，拍MV放飯時只以三文治醫肚，她笑言慳錢又慳時間，名副其實慳妹一名。但為了在溫哥華的家人，嘉欣死慳都要買樓養家人。
女當家 28歲慳妹鍾嘉欣近年頻頻買磚頭，入行8年，在港已有2個物業，上月返娘家溫哥華，已豪擲1,500萬購入5,000呎大宅，讓父母兄姊住得舒舒服服，最新目標，更希望於溫哥華買多3間大屋，全家人「1人1間」。計劃32歲前結婚的她，講到明婚後會繼續做！鍾嘉欣2年前已向公司請假回家，買樓之餘，亦與感情要好的家姐見面。據知嘉欣和胞姊先後曾患上情緒病，雖然現已康復，但撐起頭家的嘉欣更加珍惜家人，有樓又孝順，難怪嘉欣自誇︰「我係筍盤嚟㗎！」

 
今年4月，入行8年的鍾嘉欣，第1次返溫哥華跟家人過28歲生日，嘉欣說︰「入行之後，我以為每年最少都可以返去1次，但原來冇可能，今次最開心係可以同家姐一齊慶祝生日，我4月9日生日、家姐係16日，家姐仲搞咗個surprise party，我以為隨便食餐飯，所以去到間靚餐廳，我仲求求其其着拖鞋去，點知一上菜，家姐幫我約晒成班舊同學出嚟，我真係0.0001秒內爆喊。」

姊妹情緒病
嘉欣直言跟家姐感情最好，她說︰「以前世界好灰，入行好難適應，困咗自己好多年，直至有一次家姐唔舒服，我真係好擔心，家姐係我最親嘅人，當時好似整個世界跌咗落嚟。」嘉欣同家姐先後都患上情緒病，當時嘉欣在港同時間拍兩套劇，根本沒有時間返溫哥華照顧家姐，令自己情緒更差，嘉欣說︰「一來思鄉病好重、二來以前諗嘢好簡單，有問題發生都唔識解決，只識得忟同喊。」嘉欣說家姐現在已經康復，最近還喜歡扮靚去街。

翻兩翻
嘉欣買樓都唔虛榮，2個單位都係實而不華嘅將軍澳新都城，第1個單位06年以196萬買，現值360萬，升近2倍。

為家人買樓
嘉欣入行幾年後，已識投資買樓，去年再以550萬於將軍澳同屋苑買入第2個物業，為了讓住在溫哥華的家人住得更好，嘉欣4月返去時，已豪擲1,500萬購入一個5,000呎的豪宅，她說︰「女人要識得買磚頭，搵到錢擺喺銀行又冇息，呢一行，lucky上到某一個位，賺錢係可以好快，而屋企人只係打工，我希望個個有自己嘅屋，我、家姐、哥哥、父母各人一間，我就好安心，我唔覺得自己係經濟支柱，不過我好樂意同家人分享。」

「我係筍盤嚟㗎！」
28歲的鍾嘉欣，入行8年緋聞少之又少，07年，嘉欣與伍允龍合演電影《十分愛》傳緋聞，當時被本刊拍得二人於將軍澳食泰菜，飯後伍允龍更護送嘉欣回家，但幾年來，嘉欣依然堅稱與伍允龍是朋友。這段緋聞亦有另一版本，有指伍允龍由07年追求至今仍未得手，慢熱的嘉欣仍是在觀察期，而嘉欣亦解釋︰「我仍然係物色階段，對我嚟講，唔係一年半年可以confirm，我係搵緊老公呀！要詳細考慮。」至於伍允龍，嘉欣只說︰「等我搵到一個終身對象先講啦！」嘉欣直言現階段的確有追求者，但一個伍允龍都觀察了5年，好難啫？嘉欣貴為無綫花旦，香港加溫哥華有3樓在手，更將打算再買多3間，仲計劃搞有關時裝的生意做女強人，佢話︰「我係筍盤嚟㗎！希望32歲嫁得出。」

慳妹上身
鍾嘉欣差不多全身都有贊助，今次拍攝MV都係着H&M，加上平日出活動亦有服裝贊助，置裝費慳唔少。平日出入，除公司保母車，自己亦係港鐵常客，慳得就慳。甚至嫌超市買餸唔夠經濟，嘉欣都曾多次被影到出入街市，有明星幫襯，豬肉都大嚿啲啦，又慳一筆。

愛情怕痛
2年冇出碟，嘉欣即將派新歌，上週五（25日）拍攝MV，唱片公司老闆何哲圖仲親自監場，可見對嘉欣非常重視。而新歌〈預防針〉亦是嘉欣的親身經歷，她說︰「係講分咗手，又驚再愛上對方，以前都有呢啲經歷，𠵱家識諗咗，覺得應該向前看。」 ####

 


嘉欣養起家姐（左），其姊亦痛錫妹妹，今年在溫哥華搞個驚喜生日，搞喊阿妹。《忽然1周》圖片


買多3間網上圖片


嘉欣的5,000呎新屋有兩層七間房，單單是客廳已大得誇張，家裏的大狗Bow可以通屋走。現住新屋外，嘉欣鎖定目標，將買多3間屋畀家人，父母及兄姊，1人1間。網上圖片


買定禮物每次家人來港，嘉欣一定抽時間跟媽咪shopping（圖），今次離開溫哥華前，她買了很多禮物放在當地的朋友家，她說︰「連聖誕節禮物我都買定畀佢哋喇。」


06年買賺1倍
11年買未有升跌
《壹週刊》圖片


《壹週刊》圖片


同伍允龍關係撲朔迷離，觀察了5年都未獲認定，嘉欣直言︰「我係搵老公呀！」婚姻大事，難怪嘉欣咁小心。《壹週刊》圖片


07年，鍾嘉欣同伍允龍被本刊拍得撐枱腳，之後緋聞傳足5年。


衣


食


行


話晒2年冇新歌，今次MV亦以喱士露背上陣，誓要再吸引一班宅男。


鍾嘉欣除了是無綫金蛋，亦是星煥今年的重頭戲，一手栽培的老闆Herman（左），拍MV由頭跟到尾。


處女deep V 今年嘉欣再度接拍詩琳纖體廣告，酬勞加碼，嘉欣亦唔錫身首度deep V騷胸。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄