唯唯鯁親後，高Ling即從後熊抱住佢，作狀chok番粒糖出嚟。其間唯唯個背脊當然黐到高Ling個心口實一實啦！
坐穩無綫二線小生等紮嘅「關二哥」梁烈唯早排無端捲入一宗娛樂強姦傳聞，唯唯為保飯碗當然急住澄清自己係清白。

 
實屬流料，唯唯繼續投入拍劇。上星期一，FBI喺尖沙咀K11撞見佢同高海寧等人為《法網狙擊》拍外景，講唯唯同高Ling等幾位法界新人一行6人喺條街行行吓，食緊糖嘅唯唯突然鯁親，高Ling隨即大叫：「有冇人識幫佢拍番粒糖出嚟呀？」可惜冇人理佢，高Ling惟有自己嚟，從後攬實唯唯，再幫佢chok番粒糖出嚟。點知導演嫌高Ling唔夠投入、唯唯又表現麻麻，足足拍咗十幾take先搞掂。唯唯個背脊可以貼實高Ling心口喎，咁爽，換着係FBI都想不斷NG啦！ ####

 


誇張鯁親唯唯呢個鯁親表情完全over晒，純粹搞吓笑啫。


眼神錯晒高Ling之後作狀幫唯唯掃背，但對眼就望咗去第二度，咁唔投入，唔怪得導演唔收貨要拍十幾次啦！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄