「康城之旅」成事業救亡一役，栢芝除咗hand-carry「戰服」上機之餘，亦搵埋Angelababy御用化妝師Will Wong隨行，不容有失。
博セ呀 今年康城影展被嘲遭強國女星「騎劫」，堂堂國際影展變成紅地氈爭霸戰。呢頭一班女星坦胸露背磨爛蓆博影相，壓軸輪到婚姻票房雙失的張栢芝為新戲《危險關係》宣傳登陸康城，大賣親民。花都未必會變中國城，但微博就肯定充滿法蘭西情懷囉。

張栢芝法國沖喜
分居期即將屆滿的栢芝，加上被封「票房毒藥」行衰運，好彩佢同張東健及章子怡合演的新戲《危險關係》有份在康城放映。上週二（22日）栢芝拉大隊飛抵法國做宣傳，谷底博反彈；難怪一向同傳媒關係麻麻的栢芝，突然收火，由悍婦轉性變親民。咁啱上週四（24日）又撞正佢32歲生日，所謂「一喜擋三災」，希望在康城吸收吓靈氣沖走霉氣啦。

陳嘉桓興奮失眠
被品牌邀請出席影展的陳嘉桓，19歲囡第一次去康城，連佢都話出發前一晚開心到失眠。見佢在微博分享自己行巴黎鐵塔同凱旋門，又大擦生蠔，十足去畢業旅行咁興奮喎。

冰冰大鬥法范冰冰與李冰冰呢對死敵，雖然前後腳出現康城，一樣喺紅地氈鬥到七彩。獲品牌邀請出席影展的范冰冰，就算冇戲在手，一樣以「陶瓷裝」橫掃康城，連轉機都以一身睡衣look玩轉法國機場，繼續浮誇到底。而為電影《生化危機5》宣傳的李冰冰，就淡淡定食雪糕，反正係「我主場」﹗ ####

 


24日生日當日，栢芝扮到彩雀咁，前往《危險關係》新聞發布會，心情靚絕，沿途被遊人任影唔嬲。


身穿Dolce & Gabbana秋冬連身裙嘅栢芝，獲《危險關係》電影公司送上蛋糕慶祝生日，栢芝吹蠟燭時眼濕濕，似乎好感慨喎。


上週五（25日）可以去康城電影展行紅地氈，Rose前一日趁機在康城四圍參觀，之後仲去參觀玫瑰園，鬼咁開心。


Rose嚟到法國，又點會唔食法國地道美食生蠔，仲吞足十隻咁多，小心虛不受補喎。


雪糕冰 19日李冰冰在康城準備宣傳工作，撞正落大雨被迫收工，點知轉頭又好天，佢索性食雪糕曬吓太陽。


曲線讚連續三年行紅地氈，范冰冰由龍袍、仙鶴裝，到今年的瓷器裙，年年成功搶鏡，難怪在自己官方微博上曲線讚自己成功。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄