大女霏兒今年4歲，十分黐爹哋，阿Bob出門或返到屋企，霏兒都要「錫錫爹哋」。阿Bob做做吓嘢都不時忍唔住打電話，向「小女友」撒嬌。

無綫主持兼電台DJ 阿Bob（林盛斌），為了讓Bob嫂Pearl、大女霏兒同細女熹兒有個安樂窩，死慳死抵在09年買入旺角一個近700呎的三房單位。為了令兩名小公主有更多空間，全屋裝修着重收納功能，以便將衣服、雜物妥善安置，兩位小公主的房間則設計得色彩繽紛。阿Bob話：「如果間屋有起角嘅嘢，囡囡太細個，容易整親！」於是全屋茶几、餐枱等都係圓形橢圓形。做父母不易，為了兩名小公主，阿Bob自然要多花心機啦！

 
搬至現址前，幾個月大的霏兒要做廳長，為了霏兒有自己的房間，阿Bob決定買下一個三房單位。不料朋友不斷送公仔給愛女，加上阿Bob夫婦之前買下的，搞到女兒牀邊堆了一座公仔山。

手製兔仔
霏兒去年暑假參加興趣班，做咗唔少勞作。在眾多作品中，佢最愛呢幅紙製兔仔、紅蘿蔔嘅作品，間唔中都攞隻兔仔嚟同媽咪玩。

迪士尼生日P
每年霏兒生日，阿Bob同太太都帶佢到迪士尼的翠樂庭餐廳食飯。Bob嫂話：「我唔會每年都同霏兒大搞生日，只有1歲、5歲及10歲才幫佢搞大型生日會。」

幼兒學習書
霏兒的公主睡房放置了不少兒童學習圖書，方便阿Bob隨時同囡囡講吓有關動物、串字的小知識。

收納式整齊家居
兩個女兒是阿Bob的心肝椗，訪問當日阿Bob唔單止為細女熹兒換片，大女霏兒亦扭眼瞓唔影相，阿Bob就鬼咁好耐性佢，「霏霏好乖，霏霏唔好瞓覺住，我哋玩公主遊戲好冇，你扮公主呀，爸爸扮咩好呀？……」
為了令兩位小公主有私人空間，阿Bob夫婦才細屋搬大屋。06年，阿Bob同Bob嫂擲100萬元在女人街買了一個三百多呎的單位過二人世界，08年大女霏霏出世，09年兩夫婦為了女兒有個較寧靜的環境，決定以250萬元買入現時700呎位於廣華街的單位。
阿Bob的安樂窩花費30萬元裝修，用白色做主調，為了令家居空間更大及整齊，全屋大大小小的櫃都是度身訂造。阿Bob話：「我同太太都鍾意整齊，整齊啲運氣都好啲啦！」除了衣櫃、鞋櫃、雜物櫃都採用收納式設計，另外走廊位造了一度白門，關上時會令三間睡房隱形。
很多人驚住旺角會好嘈，不過阿Bob就話：「其實只要唔係對住女人街、西洋菜街就唔嘈。住畢架山想買碗魚蛋粉都難，呢度夜晚收工乜都有得食。買旺角係貪交通方便，老婆尖沙嘴返工、我就返黃埔、外母住深水埗，加上我做主持又要周圍去，所以搵中間點就最好。」
阿Bob的單位現時已漲價至480萬元，升幅近一倍，看來阿Bob唔止口才了得，亦好有投資眼光！

公主屋平面圖
####

 


細女熹兒只得6個月大，細女房暫時擺放嬰兒雜物， 但熹兒同家姐一樣，都有大量公仔陪伴。


阿Bob喜愛小勞作，兩名囡囡的房間都造了木製門牌，藉此表達他對兩名小天使出生的喜悅。


阿Bob話用厚窗簾係避免陽光照射睡不到覺，櫃內衣物堆疊仔細，就是為了慳位及整齊。


牀頭放了7本兒童書，內容都是睡前小故事，以及動物小知識。


原本個單位有兩個廁所，但把其一改建為衣帽間及加大另一個廁所。


這張睡房內的梳妝枱，方便Bob嫂分開擺放化妝品、眼部護理及化妝棉等用品，又不怕小朋友拿到。


所有傢俬都是圓角，不怕女兒撞親。


這道白色門將大廳和睡房分隔，閂埋後，房間就隱藏起來。


這個訂造的門牌象徵阿Bob一家人，門牌放在正門，家中添人口就會更換一個。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄