廖碧兒露肩jumpsuit本來幾性感，奈何佢加咗件褸仔，性感度大減。

王維基開台撼無綫，高調招兵買馬， 係威係勢， 點知上次動土儀式，小貓三兩隻，一啲氣勢都冇。今次威啦， 周三（9日），城市電訊搞咗個新劇發布會，姑勿論明星、暗星、奀星、碎星傾巢而出，氣勢浩蕩。女星們更性感上陣， 都有啲睇頭㗎！不過貴為鎮台之寶嘅廖碧兒就相形見絀，先不論肥腫身形，單係佢嘅保守裝束，已經輸九條街。據講碧兒早前做過手術，右邊身一度癱瘓唔郁得。可能因為咁，佢先至着件褸仔防冷親啩。點都好，搞好身體， 慢慢性感都未遲嘅。

 


梁小冰雖然係人妻，但背心短裙，成功搶咗廖碧兒鏡。


老嘅露，嫩嘅亦露，後生女詩雅以低胸殺晒。


性感固然殺晒，但青春一樣無敵。模蔡穎恩得老闆王維基扶上扶落，搶鏡成功。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄