鄭嘉穎、黃浩然主演嘅《拳王》，晚晚拳拳到肉，個個男演員赤膊上身盡騷肌肉，平均收視高達29點，成為近期熱話，唔少藝人更拳王上身，喺微博晒肌示人。

黃貫中教打拳
啱啱宣布即將為人父嘅黃貫中，一向有打開泰拳。近日佢喺微博放上打擂台實況，仲搵埋對手，示範不同必殺技，加埋佢嗰六嚿靚腹肌，絕對有姿勢有實際。

 

祖兒女拳至上
貴為天后嘅容祖兒亦戴上拳套練拳，原來每逢演唱會，祖兒都會打拳練氣同練腹肌。想歌藝更進一步嘅讀者，不妨學吓。

張晉健身晒肌
蔡少芬成日大讚老公張晉靚仔有型，事實勝於雄辯，早前張晉毫不吝嗇晒肌，令五短身形嘅王祖藍即時眼紅，留言唔同佢做朋友，非常搞笑。

柏豪文人露肉
相比起張晉，周柏豪顯得冇厘大方， 非但無露點， 個樣又遮咗大半。佢仲文人上身，繼上次用十五分鐘欣賞碎玻璃之後，今次引用英國樂隊Coldplay 嘅〈Hurts Like Heaven〉歌詞抒發情感，鬼咁多愁善感。 ####

 


呢招虎尾腳似模似樣，阿Paul腳風睇落仲好凌厲㖭。


阿Paul仲搵埋對手示範，製作認真。


阿Paul搞鬼扮李小龍，其身形精壯結實，有睇頭。


呢招膝撞，極大殺傷力。阿Paul仲寫埋招式心得㖭，好專業呀。


微博上， 大文豪惜肉如金。現實中， 一樣係咁。早前佢出席微電影《物．語女子》記招時，喺30度高溫下，竟以長袖外套示人。不過扮型都要睇天氣， 學吓隔籬Miki清清爽爽咪仲好。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄