抽褲見真章呀！（設計對白）就係呢個「無啦啦」喺馬路邊抽褲嘅動作，令媽咪姐見識到方生嗰塊好似洗衫板咁平嘅小腹，零脂呀！

為咗慰勞各位偉大嘅母親， 媽咪姐決定一次過請出三位城中白金級型男、高級組師奶殺手，展現300﹪至正至醇嘅「好男人」味！正所謂索一索，舒筋活絡，骨膠原都瞬間增生呀！母親們，索啦喂。

零脂方中信
有「港版李察基爾」之稱嘅「無腳雀仔」方中信，自從08年同港姐莫可欣生咗個女符迦晴後，即刻生番對腳，停晒落嚟，但係「型」呢樣嘢，係keep住嘅！日前，方生又以全黑look揸住架保時捷全黑戰車，飛落西貢……嘅一個巴士站，再無啦啦喺褲袋摷張支票出嚟，對住太陽狂照，講真個動作真係有啲騎呢！之不過無論邊個角度睇， 呢位型爸嘅body都一樣咁fit，連「中佬恩物」肚腩仔都無一個。49歲喎，媽咪姐服囉！

巨臂任達華
早排睇電影《大追捕》，張家輝為部戲狂操瘦到得棚骨，媽咪姐對眼好誠實，都係鍾意住任達華嗰副「肌不可失」嘅身形多啲。Yeah！前幾日，又俾我撞到華哥嘞，佢特登揸車去跑馬地買麵包，睇嚟係買俾囡囡任晴佳做下午茶。正面睇，一街嘅姊妹已經俾佢cool cool哋嘅面容同黑亮嘅膚色吸引，睇埋側身，唔得了咯！嗰隻強而有力嘅巨臂真係man到呢，俾佢攬住實好冧！噢，開始有少少妒忌琦琦㖭。

憂鬱chok三哥
五十有三嘅三哥苗僑偉，最近為咗拍TVB新劇《雷霆掃毒》而專登留鬚，令本來已經男人味濃到隔條街都聞到嘅佢，更加有型！
上個禮拜，佢喺電視城canteen外面嘆番支飯後煙，只係揸住個電話背靠欄杆啫，已經好似拍緊《英雄本色2012》咁！配埋一個扯煙沉思嘅背影， 你可以話佢chok，但媽咪姐會為佢加上一個專稱，叫「憂鬱chok」！再望上邊佢情深一吻嘅相，媽咪姐好想後生廿年，做三哥個女——苗彤囉。 ####

 


神奇「太陽燈」方中信對住大太陽，好似我哋師奶照雞蛋咁照張支票。做咗人阿爸，確係認真啲。


側面再check一check，手臂都無鬆弛，pass！


就係呢位就嚟4歲嘅方大小姐，令無腳嘅雀仔都變住家男人，一做完嘢就返屋企同囡囡玩，仲成日post相上微博晒幸福㖭。


57歲嘅佢一開車門，用咗少少力咋，巨臂驚現，隻「老鼠仔」破衫而出咁滯，勁！


下午三點幾，任達華戴帽着件牛仔背心去買包，一啲都唔招搖。


眨吓眼，任晴佳已經7歲，華哥非常保護囡囡，好少放佢嘅正面相上網，但從呢兩個黑影，已感受到一個好爸爸嘅深情。


林峯都係跟我學咋！（設計對白）


三哥一舉手一投足，就算唔係拍戲，都一樣交緊戲。連個背影都好似寫住「欷歔」兩隻字呀，死未！


喺外國讀書嘅大女苗彤同細仔苗俊，最近放假回港，三哥陪佢哋四圍玩，但都不忘老婆戚美珍㗎，抵讚

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄