嫁咗入豪門嘅Viann果然唔同， 行步路都有人幫手拉裙尾，不過佢依然好識做，對久等嘅記者耍冧，抵讚！

今年雙春兼閏月，喜事連連，社交圈亦唔例外。禮拜六（5日），大家樂太子女陳浩寧同拍拖7年嘅趙益坤拉埋天窗。翌日，富二代林忠澤就娶前「Roadshow」主持梁慧恩（Viann）。名人搞結婚，形式都係不外如是，不過回禮嘅小禮物就好鬼另類，唔係一定得個「貴」字㗎！

前「Roadshow」主持梁慧恩嫁富二代
禮拜日（6日），前「Roadshow」主持梁慧恩Viann下嫁富二代林忠澤，喺君悅筵開40席。身為專營節能光管嘅匯能燈光執行董事林忠澤，結婚一樣要講環保，當晚以紅、白、藍為婚禮的主題，仲揀埋無魚翅嘅清淡菜單。

廣告餐
同海天堂老闆拍過節目嘅Viann，婚宴當晚用龜苓膏禮盒回禮，仲加送張卡仔賣廣告。咁幫得手，睇嚟新娘子同鬍鬚老細都幾friend吓喎！ 1.龜苓膏軟糖 2.蛇膽陳皮 3.自訂圖案小禮盒

林忠豪 寡佬「追數」
堂細佬結婚，林忠豪一早到場，更大爆自己係一對新人嘅媒人，要追番封媒人利是，不過自己就未有着落。「細佬同堂細佬都爬我頭，個個都催，幾尷尬。」咁阿廖碧兒呢？

大家樂太子女陳浩寧出閣
大家樂老闆陳裕光個女陳浩寧，禮拜六（5日）嫁俾做地產投資嘅趙益坤。整個婚禮設計，由新人一手包辦，夜晚仲喺有百年歷史嘅西港城筵開30席。新郎仲話喺古蹟搞婚禮，寓意愛情永固、唔會拆。咁識講嘢，新娘唔冧就假咯。

小食部
陳浩寧同趙益坤將自己最鍾意嘅小食做回禮，仲加埋自家logo嘅環保袋，夠晒另類。 1.環保袋 2.黑松露醬 3.朱古力百力滋 4.鹽味杏仁 5.意大利餅乾條 6.拖肥朱古力 7.法式甜品Macaron 8.意大利礦泉水

霍思緯 索爆姊妹
陳浩寧嘅婚禮，除咗有周國豐、林恬兒等富二代出席，仲有霍震寰個女霍思緯擔任姊妹，佢盡得女星媽咪陳琪琪嘅「真傳」，係少有「睇得」嘅名人富二代呀！ ####

 


一對新人與雙方家長打扮簡單大方，淨係睇兩個媽咪頂帽， 已經feel到貴氣。於西港城的婚宴場外，掛有大型告示， 認真有型。右一為陳裕光。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄