被雪的陳美詩不愁出路，事關她同老孫已定於明年初結婚。上月27號陳美詩出騷更大晒求婚鑽戒，將早前孫耀威被爆在大陸女一事拋諸腦後。

早排孫耀威俾雜誌影到北上女，媽咪姐都好戥佢未婚妻陳美詩唔抵。不過，話咁快Macy（陳美詩）就原諒男友，兩個仲出雙入對以示情不變。Macy之所以咁忍得，媽咪姐收到風，原來係因為佢俾無綫雪藏，至明年一月約滿就叮叮。嚟緊冇運行，咪惟有疊埋心水嫁人囉！

 
事緣陳美詩上年十一月喺沖繩拍攝旅遊節目《駕到沖繩》時發生車禍，男友孫耀威就幫佢出頭鬧無綫！聽講無綫最嬲係陳美詩誇大傷勢，喺醫院驗傷時，醫生話明陳美詩只係皮外傷，但佢要求做四萬蚊全身檢查，仲話腰背痛，連按摩費都話要claim，難怪無綫唔like。

講大話出事
無綫員工爆料：「Macy（陳美詩）事前知道拍《駕到沖繩》要全程揸車，佢一口應承，後來出咗事至周圍同人訴苦。佢又呻要同男同事同房唔方便，其實所謂嘅『房』係一間民宿，大家各自有睡房，只係共用一個廳，間民宿仲係Macy自己介紹俾公司！Macy講大話，公司梗係唔like啦！」難怪傷癒後，陳美詩除咗主持過一輯十三集半小時的《開館有益》同搞埋《駕到沖繩》嘅後期工作，就一直坐冷板櫈，今回佢真係捉蟲咯！

回應唔夾口供

媽咪姐話你知
陳美詩演二、三線居多，但喺《古靈精探B》一幕穿比堅尼在沙灘跑步的片段，就被用來做宣傳片。之後陳美詩在《Click入黃金屋》繼續肯搏肯露，應該劇接劇至係，但近半年完全冇劇拍，話唔係被雪都冇人信啦！ ####

 


爆出孫耀威女事件後，陳美詩對男友仍表態支持，不久更傳出婚訊，原來是陳美詩自知面臨被雪，才原諒老孫，唔想冇咗張「飯票」。


去年11月陳美詩車禍後返港，受訪時露出頸上的脫苦海藥貼。有二五同媽咪姐講，塊脫苦海係陳美詩落機時知道大批記者等佢，至臨急臨忙貼上去。


樂易玲：唔夠一年約無綫同Macy合約期唔夠一年，應該有同事開始同佢傾續約嘅。（有傳因為撞車事件激嬲無綫，所以雪緊佢噃！）嗰次事件唔會有影響。（但佢到依家都無劇拍噃！）咁都要雙方配合到先可以安排工作俾佢㗎。


陳美詩：仲有長約王維基嗰邊有搵過我，但我同TVB仲有長約，所以絕對唔會諗其他地方。（傳你被雪？）我最近咪做咗《開館有益》囉。（點解你呢排冇劇拍㗎？）我唔想兩樣工作同時做。


《古靈精探B》


《Click入黃金屋》

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄