廖碧兒夜上富豪艇偷食 陳豪睇唔實:我好忙!
2010年08月04日
出道冇耐就撻着,廖碧兒同陳豪的一段六年情今年初曾遇分手危機,被有電視台小生殺手之稱的姣佘佘詩曼發功擒豪,擾攘大半年姣佘敗走輸晒。情侶檔再現,「碧豪戀」經歷過風波修成正果?原來仲有暗湧。
本刊獲悉,真正拍拖六年玩足六年的原來係女方,呢頭復合,嗰頭已經上船兼入屋,與 ABC新歡玩通頂!
懵盛盛陳豪管唔實心野女友,對本刊直認「好忙」。陳豪忍得幾耐?
年頭被佘詩曼介入,情變六個月後, 6月尾陳豪與廖碧兒情侶檔出席活動親熱晒箍煲成功,點知個零月貨仔,廖碧兒再次回復四圍搵食本性。
出名好仔又專一,唔蒲齋沖咖啡的宅佬陳豪,乃電視城出名的唐僧肉,個個花旦讚好、姣佘發行電都纏唔實,可惜廖碧兒成功食住都一樣唔心足。據悉, 31歲的鬼妹仔廖碧兒,其實不甘寂寞程度不遜於阿佘。
鬼祟上船
據知情人士透露,入行近 10年,廖碧兒一匹布咁長的緋聞其實只係冰山一角,感情生活豐富的廖碧兒玩得多,亦玩得小心。
「佢同陳豪一齊咁多年都冇俾人偷影到,就知佢有幾小心。去陳豪屋企佢一定會包實個樣 call的士,一出車乜都唔理兜幾個圈睇吓有冇人跟至去,有可疑就寧願嗰晚唔見都唔想俾人影到。如果約圈外朋友玩,佢更加唔會喺屋企出發、唔會揸自己車、變埋裝,警覺性好高!」
7月 11日傍晚 6時,有人目擊在深水灣哥爾夫球會對面的小型碼頭外發現廖碧兒由其女助手接載下,從一駕租來的七人車上下車,先慢慢向碼頭走去,七人車其後駛入球會停車場,一個身形高大、與廖碧兒同樣作休閒沙灘裝、外表「鬼鬼哋」的男士下車,手拿兩條大毛巾遠遠跟在廖碧兒身後,隱約聽見二人用英語對話,前後腳狀甚鬼祟。
11/7深水灣狂歡
廖碧兒新歡同陳豪一樣外形高大、個樣仲要鬼鬼哋有幾分似陳冠希,呢晚佢哋出完海疏乎後,坐駁船前後腳上岸。
風度扶女


一眾男女朋友同行,新歡甚有風度逐一扶持女友人上岸,不過最重要係等埋最後上岸嘅廖碧兒。
孖公仔


兩人上岸後,雖然保持一個身位而行,但新歡不時向身旁的廖碧兒關注,關係明顯不簡單。 
日日都鍾意微博即時傳真動向冧粉絲,廖碧儀惟獨 7月 11日沒有分享行程。
 
碼頭對出的都是超級遊艇,不易停靠小碼頭,所以才需駁船接載,可見廖碧兒今次個船 P非一般。 
從碼頭接載廖碧兒的 Alphard七人車車牌顯示,登記在林建岳長子林孝賢名下。 

七人車駛進的九龍塘獨立屋是屬於林孝賢母親謝玲玲(原名謝正陸) 86年以 480萬購入,當晚更招待了不少好友欣賞世界盃決賽,廖碧兒就是其中一個。

豪宅通頂
現場的小型碼頭雖然簡陋,不過因地方隱秘少人使用,極受城中富豪喜愛。約四個鐘後,記者發現一艘用作從遊艇轉駁泳客上岸的艇仔從黑夜中駛近,一行約七八人上岸,包括廖碧兒與男伴在內。
當天正是世界盃決賽日(西班牙對荷蘭),遊完船河都未算,廖碧兒與男伴齊齊登上另一駕七人車,直駛九龍塘一獨立屋內。其後多架私家車駛至加入決賽派對,記者一直守候,直到天亮亦不見廖碧兒再現身。根據車牌及田土廳登記,七人車及豪宅分別為林建岳兒子林孝賢及前妻謝玲玲名下。雖然廖碧兒的男伴並非林孝賢,顯而易見 ABC新歡家底與林家不相伯仲關係匪淺,而廖碧兒亦成功打入富豪社交圈。
2/8傾法文電話


我嗰日有公開活動!(真實對白)

本週一( 2日)廖碧兒對記者說:「我嗰日(指 7月 11日上船當日)有公開活動,你哋 check吓!」到下午入廠時,記者直問她搭上 ABC新歡上遊艇,有相為證時,廖碧兒一直唔肯回應,只顧傾電話,記者聽見她在疑似講法文。好古怪喎!
31/7飲水壓驚
上週六在 TVB開劇的陳豪一時話有同廖碧兒聯絡、一時又話忙到完全冇私人生活,講完即刻飲啖水,周身唔自在呀陰功。 
我哋有聯絡!(真實對白)


陳豪管唔實
事實上, 04年與陳豪撻着後,廖碧兒夜生活亦一直不斷,不時傳另結新歡。據悉其貪玩本色連無綫高層亦感不滿,曾因向一名品牌高層「放電」,事件傳至無綫製作部總監曾勵珍耳中,令曾對廖碧兒印象甚差。今年初,陳豪因為與佘詩曼連拍三套劇傳出緋聞,成功威脅正印地位,廖碧兒才發功收復失地,又發表贏家宣言宣示主權:「爭回男友?唔可以咁講……只可以講一句:『係你嘅就係你嘅!』」
上週六( 31日),陳豪對住記者繼續撐:「我同 Bernice一直都有聯絡!不過我家開緊《點解阿 sir係阿 sir》,九成戲都有份,真係好忙,連我屋企人都少見!」記者再問是否因為工作繁忙忽略女朋友及女友埋富豪堆時,陳豪就以唔講感情為由唔回應。至於廖碧兒被問到上月 11日夜上遊艇一事竟死口唔認:「嗰日我有活動出席!你哋 check吓!」當日根本冇任何公開活動嘅廖碧兒,好心講少句大話。
心花放
相戀六年,陳豪都係遇上殺遍電視城無敵手的佘詩曼至動搖一次,相比之下廖碧兒情史豐富得多。除了前度劉愷威、拍劇對手陳鍵鋒、黃宗澤外,即使與陳豪是公認一對,在外還常被拍到私會猛男。
 
06年 1月蛋散羅天池
 
08年 7月撐枱腳猛男《蘋果日報》圖片
 
08年 9月同車空中少爺《忽然 1周》圖片

廖碧兒夜上富豪遊艇偷情 與新歡玩通宵

出道沒多久就相戀,廖碧兒同陳豪的一段六年情今年初曾遇分手危機,被有電視台小生殺手之稱的佘詩曼發功擒豪,擾攘大半年姣佘敗走。情侶檔再現,“碧豪戀”經曆過風波修成正果?原來還有暗湧。

據悉真正拍拖六年玩足六年的是女方,這頭複合,那頭已經上船,與ABC新歡玩通宵。而陳豪也看不住心野的女友,回應稱自己很忙,不知道陳豪能忍多久?

arrow
arrow
    全站熱搜

    stinglife 發表在 痞客邦 留言(0) 人氣()