Beauty Hunt
輪住嚟試 劉思希
電視台小花多，莫講話要坐正做花旦，就連一個好角色都難求。
11年落選港姐劉思希，成為無綫親生女之後，一心只在主持方面發展，點知被《巨輪》監製王心慰𥄫中，一拍劇就拍住男一蕭正楠。
雖然劇接劇，但原來其母親並不贊成她入娛樂圈，劉思希說︰「希望有日做到啲成績畀佢睇，等佢知道我做演員唔係玩玩吓，亦希望媽咪會改觀。」
劉思希原本喺澳門當教師，收入不錯，但她卻想做主持，所以 2011年參選港姐（當年冠軍為朱晨麗），放棄穩定工作，令做教師的媽咪𢱑晒頭。《蘋果日報》圖片 
從未拍過劇，連訓練班都未讀過，但劉思希首次拍劇就拍《巨輪》，劇中同蕭正楠、李司棋、阮兆祥很多對手戲，成日「信哥哥」咁叫蕭正楠。
阿媽反對
成為監製愛將，首次拍劇仲有唔少戲分，恨死一眾小花，但原來劉思希的母親並不贊成女兒入行。
「我喺澳門大學讀師範，亦教過書，媽咪亦都係做教師，所以佢好希望我做教書呢行。由選美到𠵱家，其實佢都唔支持我入行，希望有日做到啲成績畀佢睇，等佢知道我做演員唔係玩玩吓，亦希望媽咪會改變佢諗法。」
劉思希現忙拍新劇《忠奸人》，劇中做吳卓羲女友，監製都係王心慰，拍開有條路，好快變愛將啦！
Profile
全站熱搜
留言列表
{{ article.title }}
