娛樂八掛大放送★

蘋果創辦人喬布斯於香港時間上周四與世長辭，享年56歲。媽咪姐只係用過iPhone，唔能夠算係標準蘋果迷。2007年扮IT人買人生第一部iPhone，由乜都唔識左篤右㩒，到今時今日識玩識download最新最潮apps，就算平日讀者報料或者娛圈有乜大件事發生，媽咪姐全靠部iPhone先收風咁快。

可惜吖，蘋果教主就咁走咗。大家連日嚟去 Store、睇新聞睇報紙，應該緬懷唔少。媽咪姐無意喺度重複報紙回顧佢嘅一生，只係想藉此機會向呢位時代巨人致最後敬意。Steve Jobs, You are the （喜歡的人）of My Eye，多謝你為我們帶來的一切。 ####

Steve Jobs 1955-2011
喬布斯2003年患上胰臟癌，翌年切除腫瘤。2009年接受肝臟移植，多次被傳癌症復發。至上周四（6日）與世長辭，有說係死於胰臟癌併發症。

1959年．4歲
親生父母誕下喬布斯之後，將佢送到其他家庭收養。1985年喬布斯30歲生日，同事特意為佢做咗段短片，此兩張兒時相片就係輯錄自該短片。

1956年．1歲

1969年．14歲
雖然長大於寄養家庭，但喬布斯未有被苛待，養父母更花盡金錢供書教學。可惜喬布斯上大學6個月就自行輟學，四處遊歷之後創辦蘋果。

1972年．17歲

大眾對喬布斯嘅死訊感到震驚，除到 Store獻上蘋果，部分蘋果迷更於街上燃點蠟燭，悼念一代科技巨人。

喬布斯於1989年邂逅妻子Laurene Powell。兩年後奉子成婚，育有3名子女。1997年，二人於屋企花園合照，此照亦係喬布斯生前最愛嘅一張。

向來低調嘅喬布斯，2010年與妻子Laurene出席奧斯卡。

喬布斯與微軟比爾蓋茲（右）識於微時。兩人在商場上係長期敵人，但私底下已惺惺相惜。蓋茲更於喬布斯逝世當日，透過facebook哀悼對方。

1984年Macintosh all in one 電腦問世，喬布斯開創先河。

1985年高層鬥爭，喬布斯被迫離開蘋果。12年後佢重返並發明第一部iMac，令蘋果風行全世界。